December 16, 2017 
தண்டோரா குழு
டெல்லியில் உள்ள காங்கிரஸ் தலைமை அலுவலகத்தில் காங்கிரஸ் கட்சியின் 87வது தலைவராக ராகுல் காந்தி பதவியேற்றார்.
காங்கிரஸ் கட்சியின் தலைவராக சோனியா காந்தி தொடர்ந்து 19 ஆண்டாக பதவி வகித்தார். ஆனால், உடல் நலக்குறைவு காரணமாக அவரால் அரசியலில் முழுமையாக ஈடுபட முடியவில்லை. இதையடுத்து, புதிய தலைவருக்கான தேர்தலில் ராகுல் காந்தி மனுதாக்கல் செய்தார். எனினும் அவரை எதிர்த்து யாரும் போட்டியிடாததால், காங்கிரஸ் தலைவராக ராகுல் கடந்த 11ம் தேதி தேர்ந்தெடுக்கப்பட்டார்.
இந்நிலையில் ராகுல் காந்தி இன்று முறைப்படி கட்சி தலைவராக பதவி ஏற்றுக் கொண்டார். இந்த பதவியேற்பு நிகழ்ச்சியில் சோனியா, மன்மோகன் சிங் உள்ளிட்டோர் பங்கேற்றனர்.நேரு குடும்பத்திலிருந்து வரும் 6வது காங்கிரஸ் தலைவராக ராகுல் பதவியேற்றதை தேர்தல் ஆணையம் அங்கீகரித்து சான்றிதழ் வழங்கியது.
ராகுல் காந்திக்கு கட்சியின் மூத்த தலைவர்கள் வாழ்த்து தெரிவித்து வருகின்றனர். ராகுல் தலைவரானதை முன்னிட்டு நாடு முழுவதும் காங்கிரஸ் தொண்டர்கள் உற்சாகமாக கொண்டாடி வருகின்றனர்.
For English News
