July 19, 2017 
தண்டோரா குழு
கமலுக்கு அரசியல் தெரியாது என்றும் அவர் நடித்துக்கொண்டிருக்கிறார் என்றும் முதல்வர் பழனிசாமி தெரிவித்துள்ளார்.
தமிழக சட்டப்பேரவை கூட்டம் முடிந்த பின்பு மறைந்த முதலமைச்சர் ஜெயலலிதாவின் நினைவிடத்தில் முதலமைச்சர் பழனிசாமி மற்றும் அமைச்சர்கள் மலர் தூவி மரியாதைசெலுத்தினர்.
பின்னர் செய்தியாளர்களிடம் பேசிய முதல்வர் எடப்பாடி பழனிச்சாமி,
ஜெயலலிதாவின் லட்சியத்தை நாங்கள் நிறைவேற்றியுள்ளோம். மக்கள் அனைவரும் பாராட்டும் வகையில் ஜெயலலிதாவிற்கு நினைவு மண்டபம் கட்டப்படும். நடந்து முடிந்த பேரவை தொடரில் மக்கள் நலத்திட்டங்கள் பல நிறைவேற்றியுள்ளதாகவும் அதிமுக இரு அணிகளும் விரைவில் இணையும் எனவும் முதல்வர் எடப்பாடி பழனிச்சாமி நம்பிக்கை தெரிவித்தார்.
மேலும், கமலுக்கு அரசியல் தெரியாது என்றும் அவர் நடித்துக்கொண்டிருக்கிறார். ஒருவேளை அவர் அரசியலுக்கு வந்தால் அவரது குற்றசாட்டிற்கு கருத்து தெரிவிப்பேன் என்றார்.
For English News
