August 27, 2020 
தண்டோரா குழு
கேரளாவில் 10 தினங்கள் கொண்டாடப்படும் ஓணம் பண்டிகையை முன்னிட்டு வண்ண வண்ண பூக்களால் கோலம் இட்டு, பல்வேறு நிகழ்ச்சிகளை கேரள மக்கள் நடத்தி வருகின்றனர். கேரளாவில் ஓணம் திருவிழா விமர்சையாக நடக்கிறது. இதை முன்னிட்டு கடந்த 3 தினங்களாக கோவை மார்க்கெட்டில் காய்கறிகள் விற்பனை சூடுபிடித்துள்ளது. கேரளாவின் காய்கறி கொள்முதலில் கோவை மார்க்கெட்டில் ஓணம் விற்பனை எப்போதுமே கூடுதலாக காணப்படும்.
கோவை மாவட்டத்தில் உள்ளூர் பகுதிகளில் விளையும் காய்கறிகள் மட்டுமின்றி, கர்நாடகா, மும்பையில் இருந்து வரவழைக்கப்படும் காய்கறிகளும் அதிகளவில் கேரளாவிற்கு அனுப்பப்பட்டு வருகின்றன. கோவை மார்க்கெட்டில் இருந்து வழக்கமாக 10 முதல் 15 லாரிகளில் காய்கறிகள் செல்லும். ஓணம் பண்டிகை வருவதையொட்டி 30க்கும் மேற்பட்ட லாரிகள் காய்கறிகளோடு கேரளாவிற்கு கிளம்பி சென்றன. கேரள வியாபாரிகள் மார்க்கெட்டில் குவிந்து தங்களுக்கு தேவையான காய்கறிகளை மூடை, மூடையாக வாங்கி சென்றனர்.
கேரளாவில் ஓணம் பண்டிகைக்கு சாம்பார் காய்கறிகளான கேரட், பீன்ஸ், உருளை, போன்றவை அதிகளவில் கொள்முதல் செய்யப்பட்டன. உள்ளூர் காய்கறிகளான வெண்டை,பூசணி, வெள்ளரி,தக்காளி, கத்தரிக்காய் உள்ளிட்ட காய்கறிகளையும் அதிகளவில் கேரளாவுக்கு அனுப்பி வைத்தனர். கேரளாவிற்கு அதிகளவு காய்கறி செல்வதால் விலையும் சற்று உயர்ந்து காணப்படுகிறது இதனால் விவசாயிகள் மிகவும் மகிழ்ச்சி அடைந்துள்ளனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
