May 2, 2017 
தண்டோரா குழு
நியூயார்க்கில் நடைபெற்ற மெட் கலா நிகழ்ச்சியில் பங்கேற்ற பிரியங்கா சோப்ரா, ஃபேஷன் உலகின் ராணி என வர்ணிக்கப்பட்டார்.
பிரபல பாலிவுட் நடிகை பிரியங்கா சோப்ரா குவாண்டிக்கோ நாடகத்தின் மூலம் ஹாலிவுட்டில் அறிமுகமானார். ஃபேஷன் உலகின் மீது அதீத காதல் கொண்ட பிரியங்கா அமெரிக்காவின் மிகவும் பிரபலமான நிகழ்ச்சிகளான எம்மி,ஆஸ்கர் போன்ற விருது விழாக்களில் தனது ஆடை அலங்காரத்தால் தான் பங்கேற்கும் ஒவ்வொரு நிகழ்ச்சிகளிலும் புதுவிதமான, வித்யாசமான ஆடைகளை அணிந்து பார்வையாளர்களை தன்வசப்படுத்துவதில் சிறந்தவர்.
தற்போது, இவர் மீண்டும் ஒருமுறை பார்வையாளர்களை தன் பக்கம் ஈர்த்து வியப்பில் ஆழ்த்தியுள்ளார். காரணம் நியூயார்க்கில் நடைபெற்ற மெட் கலா நிகழ்ச்சியில் பங்கேற்ற பிரியங்கா சோப்ரா அணிந்து வந்த ‘டிரென்ச் கோட்’ தான். இது தான் உலகின் மிக நீளமான கோட் ஆகும்.
தலை முதல் கால் வரை இவரின் சிகை அலங்காரம் மிகவும் நேர்த்தியாக இருந்தது.பிரியங்காவின் முடி அலங்காரம் மற்றும் கணுக்காலில் அவர் அணிந்திருந்த கறுப்பு நிற பூட்ஸ், அனைவரையும் வெகுவாகக் கவர்ந்தது.
பிரியங்காவின் இந்த ‘டிரென்ச் கோட்’டை ரால்ப் லாரன் என்பவர் வடிவமைத்துள்ளார். நியூயார்க்கில் மிகவும் பிரபலமான ஃபேஷன் அண்ட் லைஃப் இதழில், பிரியங்காவின் இந்த ஆடை சிறந்த ஆடையாக இடம்பெற்றது.
மெட் கலாவிற்கு வந்த அனைவரையும் கவர்ந்த பிரியங்கா, அவர் நடித்துள்ள முதல் ஹாலிவுட் திரைப்படமான ‘பே வாட்ச்’ திரைப்படத்தின் புரொமோஷன் பணிகளில் தீவிரம் காட்டி வருகிறார் என்பது குறிப்பித்தக்கது.
யானைகளின் பெயரை கூறி விவசாயிகளின் வாழ்வாதாரத்தை அழிக்க முயற்சிக்கும் வனத்துறை -தொண்டாமுத்தூர் விவசாயிகள் கண்டனம்
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
For English News
