May 4, 2017 
தண்டோரா குழு
மணிப்பூரில் இரும்பு பெண்மணி என்று அழைக்கப்பட்ட இரோம் சர்மிளா (45) விரைவில் திருமணம் செய்யவுள்ளதாக தகவல்கள் வெளியாகியுள்ளது.
மணிப்பூரில் ஆயுத சட்டத்தை நீக்க வலியுறுத்தி 17 ஆண்டுகளாக உண்ணாவிரத போராட்டம் நடத்தி இரும்பு பெண்மணி என பெயர் பெற்றவர் இரோம் சர்மிளா. சமீபத்தில் தனது உண்ணாவிரதத்தை முடித்துக் கொண்ட இவர் மணிப்பூர் சட்டசபை தேர்தலில் போட்டியிட்டு படுதோல்வி அடைந்தார்.
இந்நிலையில் இரோம் சர்மிளா கடந்த 8 ஆண்டுகளாக தான் காதலித்து வந்த பிரிட்டனைச் சேர்ந்த டெஸ்மேண்ட் கவுடின்கோ (54) என்பவரை திருமணம் செய்து கொள்ள முடிவு செய்துள்ளார்.
மேலும் இவர்களது திருமணம் கேரளாவில் நடக்கவிருப்பதாகவும், விரைவில் டெஸ்மேண்ட் இந்தியா வந்ததும் இவர்களது திருமணம் நடக்க உள்ளது என்று தெரிவித்துள்ளார்.ஆயுதப்படை சட்டத்திற்கு எதிரான தனது போராட்டம் தொடரும் என்று இரோம் சர்மிளா தெரிவித்திருப்பது குறிப்பிடத்தக்கது.
For English News
