December 2, 2017 
தண்டோரா குழு
இன்போசிஸ் நிறுவனத்தின் புதிய தலைமை நிர்வாக அதிகாரி மற்றும் நிர்வாக இயக்குனராக சாலில் எஸ் ப்ரேக் நியமிக்கப்பட்டுள்ளார்.
இன்போசிஸ் நிறுவனத்தின் தலைமை நிர்வாக அதிகாரி மற்றும் நிர்வாக இயக்குனராக இருந்த விஷால் சிக்கா, கடந்த ஆகஸ்ட் மாதம் தனது பதவியை ராஜினாமா செய்தார். அதன் பிறகு, தற்காலிக நிர்வாக அதிகாரி மற்றும் நிர்வாக இயக்குனராக தலைவராக யுபி பிரவின் ராவ் நியமிக்கப்பட்டார். தற்போது அவர் வகித்து வரும், பதவியிலிருந்து 2018ம் ஆண்டு, ஜனவரி 2ம் தேதி விலகுவதால், அந்த பதவிக்கு சாலில் எஸ் ப்ரேக் நியமிக்கப்பட்டுள்ளார்.
முன்னதாக, சாலில் காப்ஜெமினி நிறுவனத்தின் நிர்வாக குழுவின் உறுப்பினராக இருந்தார். மேலும், கார்நெல் பல்கலைக்கழகத்திலிருந்து கணினி அறிவியல் பாடத்தில் முதுநிலை பட்டமும், மெக்கானிக்கல் பொறியியல் பாடத்தில் முதுநிலை பட்டம் பெற்றவர். மேலும், ஐஐடி மும்பை நிறுவனத்திலிருந்து ஏரோநாடிகல் பொறியியல் பாடத்தில் இளநிலை பாடமும் பெற்றவர்என்பது குறிப்பிடத்தக்கது.
For English News
