February 5, 2019
வாட்ஸ்ஆப்பின் புதிய அப்டேட்டில் இனி ஃபேஸ் ஐடி மூலம் வாட்ஸ்ஆப்பை ஓபன் செய்யும் வசதி அறிமுகம் செய்யப்பட்டுள்ளது.
பேஸ்புக் நிறுவனத்தின் வாட்ஸ்ஆப் செயலியில் தொடர்ந்து பல அப்டேட்கள் வந்த வண்ணம் உள்ளன. இந்நிலையில் தற்போது பயன்பாட்டாளர்களின் பாதுகாப்புக்காக புதிய சேவை வரவிருப்பதாக தகவல்கள் வெளியாகி உள்ளன. அதில் ஆப்பிள் மொபைல் போன்களில் வாட்ஸ்ஆப் பயன்படுத்துபவர்களுக்கு புதிய வசதி வாட்ஸ்ஆப்பில் வந்துள்ளது. இந்த வசதியின் மூலம் ஃபேஸ் ஐடி அல்லது டச் ஐடி மூலம் வாட்ஸ்ஆப்பை ஓபன் செய்ய முடியும்.
இந்த வசதியில் ஐஓஎஸ் வேர்ஷன் 2.19.20 செயல்பாட்டிற்கு வந்துள்ளது. இந்த வேர்ஷன் மொபைல் போன் வைத்திருப்பவர்கள் ஆப்பிள் ஆப் ஸ்டோரில் இருந்து வாட்ஸ்ஆப் டவுண்லோட் செய்தால் இந்த வசதியை பெறலாம். இந்த வசதிகள் விரைவில் ஆண்ராய்டு போன்களுக்கு ஏற்படுத்தி தருவது குறித்து வாட்ஸ் ஆப் நிறுவனம் ஆலோசனை நடத்தி வருவதாக கூறப்படுகிறது.