February 10, 2017 
தண்டோரா குழு
இந்தோனேசியாவில் உள்ள பாலி தீவுகளில் பெய்து வரும் கன மழையால், அத்தீவில் ஏற்பட்ட மூன்று நிலச்சரிவில் 12 பேர் உயிரிழந்தனர்.
இச்சம்பவம் குறித்து இந்தோனேசிய நாட்டின் பேரழிவு தடுப்பு நிறுவனத்தின் அதிகாரி வெள்ளிக்கிழமை கூறுகையில்,
“பாலி தீவில் உள்ள மவுண்ட் படூர் என்னும் எரிமலை அடிவாரத்தில் கின்ட்டாமனி மாவட்டம் உள்ளது.
அம்மாவட்டத்தில் உள்ள மூன்று கிராமங்களில் இருந்த வீடுகள் வியாழக்கிழமை இரவு ஏற்பட்ட நிலச்சரிவில் சேதமடைந்தன. அதில் ஒரு வயது சிறுவன் உட்பட 12 பேர் உயிரிழந்தனர்” என்றார்.
தேசிய பேரிடர் தடுப்பு நிறுவத்தின் அதிகாரி கூறுகையில், “இச்சம்பவத்தில் பலர் காயமடைந்துள்ளனர். காயமடைந்தவர்களை அருகில் உள்ள மருத்துவமனையில் சேர்த்துள்ளோம்” என்றார்.
“பாதிக்கப்பட்ட மக்களை அவ்விடத்திலிருந்து வெளியேற்றியுள்ளோம். அப்பகுதியில் கடும் மழை பெய்து வருகிறது. அங்குள்ள செங்குத்தான சரிவுகளில் நிலச்சரிவுகள் ஏற்படும் அபாயம் இருக்கிறது. அதனால், அந்த இடங்களில் வசிக்கும் மக்கள் விழிப்புடன் இருக்க வேண்டும் என்று எச்சரிக்கை விடுத்துள்ளோம்” என்று அங்கிருந்த அதிகாரி இந்திரா கலக் கூறினார்.
“பாலித் தீவுகளில் சனிக்கிழமை மற்றும் ஞாயிற்றுக்கிழமை மழை தொடரும் என்று தேசிய வானிலை நிறுவனம் அறிவித்துள்ளது” என்றார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
