January 21, 2017 
தண்டோரா குழு
தமிழகம் மட்டும் அல்லாமல் இந்தியாவுக்கே தலைமை தாங்கும் பண்பு தமிழர்களுக்கு இருக்கிறது என உச்ச நீதிமன்ற முன்னாள் நீதிபதி மார்கண்டேய கட்ஜு கூறியுள்ளார்.
இது குறித்து அவர் சமூக வலைதளங்களில் சனிக்கிழமை கூறியிருப்பதாவது:
“தமிழக மக்களின் இந்தப் போராட்டம் ஜல்லிக்கட்டு விவகாரம் முடிந்ததும் முடிந்து விடக்கூடாது. இந்தியாவின் மிகப்பெரிய சவாலாக விளங்கும் பிரச்சனைகளான வறுமை, வேலையில்லாத் திண்டாட்டம், போதிய சுகாதார வசதியின்மை, சத்துணவுக் குறைபாடு போன்றவற்றுக்கு எதிராகவும் இந்தப் போராட்டம் தொடர வேண்டும்.
தமிழர்கள் ஏற்றிய இந்த தீப்பொறி, நாடு முழுவதும் பரவி, நமது மிகப்பெரிய பிரச்சினைகளை முறியடிக்க வேண்டும். ஜல்லிக்கட்டுக்கு ஆதரவான போராட்டத்தினை இந்திய மக்கள் முன்னுதாரணமாக வைத்துக் கொண்டு அதைப் பின்பற்ற வேண்டும். எல்லோரும் ஒருங்கிணைய வேண்டும். சாதி, மத, இனம் என்ற எந்த அடிப்படையிலும் பிரிவினை ஏற்பட்டுவிடக் கூடாது. இவ்வாறு போராடினால், இந்தியாவில் உள்ள அனைத்துப் பிரச்னைகளும் தீர்ந்துவிடும்.
இந்தப் போராட்டத்தில், அரசியல்வாதிகள் தலையிட அனுமதி மறுக்கப்பட்டிருப்பது வரவேற்கத்தக்கது. தமிழகம் மட்டும் அல்லாமல் இந்தியாவுக்கே தலைமை தாங்கும் பண்பு தமிழர்களுக்கு இருக்கிறது என்பதை நிரூபித்துக் காட்டிவிட்டார்கள். இதே பாதையில் பல சவால்களை எதிர்கொள்ளலாம். தமிழர்கள் நீண்ட நாள் வாழ வாழ்த்துகிறேன். தமிழ் மக்கள் வாழ்க”
இவ்வாறு மார்கண்டேய கட்ஜு கூறியுள்ளார்.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
