April 24, 2017 
தண்டோரா குழு
தென் ஆப்ரிக்காவின் முன்னாள் கிரிக்கெட் வீரர் ஜான்டி ரோட்சின் மகளின் 2வது பிறந்த நாளுக்கு பிரதமர் நரேந்திர மோடி வாழ்த்து தெரிவித்துள்ளார்.
2௦15ம் ஆண்டு ஏப்ரல் மாதத்தில் ஜான்டி ரோட்சின் மகள் பிறந்தாள். இந்திய நாட்டின் கலாச்சாரம், பண்பாடு, மற்றும் பராம்பரியம் ஆகியவற்றில் சிறப்பாக இருப்பதாலும், இந்திய நாட்டின் மீது தான் கொண்டுள்ள மரியாதை மற்றும் அன்பால் தனது மகளுக்கு ‘இந்தியா’ என்று பெயர் வைத்ததாக ஜான்டி ரோட்ஸ் தெரிவித்தார்.
இந்தியா, இரண்டாவது பிறந்த நாளைக் கொண்டாடுவதாக தனது டிவிட்டர் பக்கத்தில் ஜான்ட்டி ரோட்ஸ் தெரிவித்திருந்தார். அதற்கு பதில் டிவிட் செய்துள்ள பிரதமர் நரேந்திர மோடி, ரோட்சின் மகள் இந்தியாவுக்கு, இந்தியாவில் இருந்து பிறந்து நாள் வாழ்த்துகள் என்று பதில் டிவிட் செய்துள்ளார்.
For English News
