April 6, 2017 
தண்டோரா குழு
ஐ.பி.எல்தொடக்க விழாவில் நடனமாடிய எமி ஜாக்சனை நெட்டிசன்கள் கலாயத்து வருகின்றனர்.
ஐ.பி.எல் கிரிக்கெட்டின் பத்தாமாண்டு தொடக்க விழா நேற்று பிரமாண்டமாக தொடங்கியது. வழக்கத்தை விட இந்த வருடம் 8 நாட்கள், 8 ஸ்டேடியங்களில், 8 நட்சத்திரங்களுடன், 8 தொடக்க விழா நிகழ்ச்சிகளை நடத்த திட்டமிடப்பட்டுள்ளது.
அதன்படி, முதல் துவக்க விழா நிகழ்ச்சி ஐதராபாத் ராஜீவ்காந்தி ஸ்டேடியத்தில் நடைபெற்றது. இந்நிகழ்ச்சியை காண ஏராளமானோர் ரசிகர்கள் குவிந்திருந்தனர். நிகழ்ச்சியில் இந்திய கிரிக்கெட் ஜாம்பவான்களை கௌரவிக்கும் நிகழ்வு நடைபெற்றது. அதனைத் தொடர்ந்து பிரபல நடிகை எமி ஜாக்சனின் நடன நிகழ்வும் அரங்கேறியது. அதில் பிரபல இந்தி பாடல்களான கலா சாஸ்மா, ஓம் ஷாந்தி ஓம் உள்ளிட்ட பாடல்களுக்கு எமிஜாக்சன் நடனமாடினார்.
இந்நிலையில், எமி ஜாக்சனின் நடனம் ரசிகர்களை கடுப்பாக்கி உள்ளது போல் தெரிகிறது. இதையடுத்து, சமூக வலைத்தளங்களில் யாராக இருந்தாலும் கலாய்த்து தள்ளி வரும் நெட்டிசன்கள் எமி ஜாக்சனையும் விட்டுவிடவில்லை இது தான் நடனமா என்பது போல் சமூக வலைத்தளங்களில் கலாய்த்து வருகின்றனர்.
For English News
