June 2, 2018 
தண்டோரா குழு
சிவகங்கையில் ஓய்வு பெற்ற அரசு ஊழியர் ஒருவர் அரசு பள்ளி மாணவர்கள் பயணிப்பதற்கு மாதம் 20 ஆயிரம் ரூபாயை ஆட்டோ கட்டணமாக வழங்கி வரும் சம்பவம் பொதுமக்களிடையே நெகிழ்ச்சியை ஏற்படுத்தியுள்ளது.
சிவகங்கை மாவட்டம் கோவானூரில் இருந்து 3 கிலோமீட்டர் தூரத்தில் சித்தலூர் அரசு உயர்நிலைப் பள்ளி இயங்கி வருகிறது.ஆனால்,கோவானூரில் இருந்து சித்தலூர் செல்லும் பாதை பயன்படுத்த முடியாத நிலையில் உள்ளது.இதனால் கோவானுரைச் சேர்ந்த மாணவர்கள் பெரியக்கோட்டையில் உள்ள பள்ளியில் சேர்ந்து படித்து வந்தனர். அவர்களை சித்தலூர் பள்ளியில் சேர்க்க தலைமை ஆசிரியர் பீட்டர் முயற்சி எடுத்தார். ஆனால் வாகன வசதி ஏதும் இல்லாத காரணத்தால் குழந்தைகளை சித்தலூர் பள்ளிக்கு அனுப்புவதற்கு பெற்றோர் மறுப்பு தெரிவித்தனர்.
இந்நிலையில் சித்தலூர் பள்ளியில் அலுவலக உதவியாளராக பணிபுரிந்து ஓய்வு பெற்ற முனியாண்டி என்பவர் 2 ஆட்டோக்களை ஏற்பாடு செய்து அதற்குரிய கட்டணம் 20 ஆயிரம் ரூபாயை மாதந்தோறும் தானே வழங்குவதாகவும் ஒப்புக் கொண்டார். இதனால் பெற்றோர்கள் 24 குழந்தைகளை சித்தலூர் பள்ளிக்கு அனுப்பி வைத்தனர்.
இதுகுறித்து முனியாண்டி கூறுகையில்,
எனது மகன் நல்ல நிலையில் உள்ளான். எங்களுக்கு தேவையான அனைத்தும் என் மகனே பார்த்து கொள்கிறான்.இதனால் எனது ஓய்வூதியத் தொகையை ஏழை மாணவர்கள் ஆட்டோவில் செல்ல செலவழிக்கிறேன்.
இதுமட்டுமன்றி, முனியாண்டி பள்ளிவசதிக்காக சமீபத்தில் 10 ஆயிரம் ரூபாய் கொடுத்துள்ளார் என்பது குறிபிடத்தக்கது.
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
For English News
