May 18, 2017 
தண்டோரா குழு
அமிதாப் பச்சன் போன்று ரஜினி மண்டையிலும் ஒன்றும் இல்லை அவரை ஏன் அரசியலுக்கு கூப்பிடுகிறீர்கள் என்று முன்னாள் உச்சநீதிமன்ற தலைமை நீதிபதி மார்கண்டேய கட்ஜூ கூறியுள்ளார்.
ஓய்வு பெற்ற உச்ச நீதிமன்ற முன்னாள் தலைமை நீதிபதி மார்கண்டேய கட்ஜூ அவ்வப்போது தன்னுடைய கருத்துக்களை வெளிப்படையாக கூறி வருகிறார். இது சில சமயங்களில் பெரும் சர்ச்சையை ஏற்படுத்தி வருகிறது. இந்நிலையில், அவர் தனது முகநூல் பக்கத்தில் ரஜினியின் அரசியல் பிரவேசம் குறித்து கருத்து தெரிவித்துள்ளார்.
அதில்,தமிழ்நாட்டு மக்கள் மேல் நல்ல மரியாதை வைத்திருந்தேன். ஆனால் ரஜினியை இப்ப அரசியலுக்கு அழைப்பதன் மூலம் அத கெடுத்துக்கிட்டு இருக்கீங்க.ஏன் தமிழ்நாட்டு மக்கள் இப்படி இருக்காங்கன்னு தெரியவில்லை.
நான் அண்ணா பல்கலைக்கழகத்தில் படிக்கும் போது, என் தமிழ் நண்பர்களுடன் சிவாஜி படத்துக்கு செல்வேன்.அப்போது படத்தில் சிவாஜியை முதலில் காட்டும் போது அவரது கால்களை காண்பிப்பர். அப்போது ரசிகர்கள் ஆர்பரித்து கத்துவார்கள்.அது போல இப்போது ரஜினியைப் பார்த்து ஆர்பரிக்கின்றனர். ஆனால் தற்போது ஒருபடி மேலே போய் அவரை அரசியலுக்கு வரவேண்டும் எனவும், தமிழகத்திற்கு முதலமைச்சராக வேண்டும் எனவும் கூறிவருகின்றனர்.
அப்படி ரஜினி அரசியலுக்கு வர என்ன தகுதி அவரிடம் இருக்கின்றது. அவர் வறுமையில் வாடும் மக்களுக்கு ஏதேனும் தீர்வு வைத்துள்ளாரா?அல்லது வேலையில்லா திண்டாட்டம், ஊட்டச்சத்துக் குறைவு,சுகாதாரமின்மை, விவசாயிகள் துயரங்கள், போன்றவற்றை ஒழித்துக் கட்ட ஏதேனும் ஒரு யோசனை வைத்துள்ளாரா?மக்களின் அடிப்படை தேவை குறித்தும் எதுவும் அறியாத இவரை எப்படி அவரது ரசிகர்கள் அரசியலுக்கு அழைக்கிறார்கள் என தெரியவில்லை.
இந்த விஷயத்தில் தமிழர்கள் வெட்கப்பட வேண்டும் என காட்டமாக பதிவிட்டுள்ளார். மேலும், பாலிவுட் நடிகர் அமிதாப் பச்சன் போன்று தான் ரஜினிகாந்த் மண்டையிலும் ஒன்றும் இல்லை.
இவ்வாறு குறிப்பிட்டுள்ளார்.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
