February 18, 2019 
தண்டோரா குழு
அதிமுகவுடன் மக்களவை தேர்தல் கூட்டணி பற்றி ஆலோசிக்க பாஜக தேசிய தலைவர் அமித்ஷா நாளை சென்னை வருகை என தகவல் வெளியாகியுள்ளது.
மக்களைவை தேர்தல் நெருங்கி வருவதால் அனைத்து கட்சிகளும் தேர்தல் கூட்டணி குறித்து முடிவெடுத்து வருகிறது. தமிழகத்தை பொறுத்த வரை திமுக தலைமையில் ஒரு அணியும் அதிமுக தலைமையில் மற்றொரு அணியும் என்ற நிலையே உள்ளது. இதில் திமுக கூட்டணியில் தற்போது காங்கிரஸ் உள்ளது உறுதியாகியுள்ளது. இதற்கிடையில், அ.தி.மு.க., பா.ஜ. கூட்டணி தொடர்பாக தமிழக பா.ஜ. பொறுப்பாளரும் மத்திய அமைச்சருமான பியூஸ் கோயல் கடந்த 14-ம் தேதி சென்னை வந்து அ.தி.மு.க.வுடன் கூட்டணி குறித்து முதல்கட்ட பேச்சுவார்த்தை நடத்தினார்.
இந்நிலையில், அதிமுக – பாஜக கூட்டணி குறித்து இறுதி முடிவெடுக்க பாஜக தேசிய தலைவர் அமித்ஷா நாளை (பிப்.19) சென்னை வருவுள்ளதாக தகவல்கள் வெளியாகியுள்ளது. வரும் 22-ம் தேதி அமித்ஷா ராமேஸ்வரம் வரவுள்ளதாக அறிவிக்கப்பட்டுள்ள நிலையில் நாளையே அவர் சென்னை வருகிறார் என்பது குறிப்பிடத்தக்கது.
For English News
