August 2, 2018 
தண்டோரா குழு
இயக்குநர் பாக்யராஜிடம் உதவியாளராக இருந்தவர் உடுமலைப் பேட்டையை சேர்ந்த சிவக்குமார். அஜித் நடித்த ரெட்டை ஜடை வயசு, அர்ஜூன் நடித்த ஆயுத பூஜை படங்களை இயக்கி உள்ளார்.
இவர் சென்னை விருகம்பாக்கம் வெங்கடேஸ்வரா நகரில் அவரது வீட்டில் வசித்து வருகிறார். இதுவரை இவர் திருமணம் செய்து கொள்ளாமல் தனியாக இருந்து வந்தார். இந்நிலையில், இவரது வீட்டில் இருந்து துர்நாற்றாம் வீசுவதாக போலீசாருக்கு தகவல் தெரிவிக்கப்பட்டது.
இதையடுத்து, போலீசார் சிவக்குமாரின் வீட்டின் பூட்டை உடைத்து உள்ளே சென்று பார்த்துள்ளனர். அப்போது சிவக்குமார் இறந்து கிடந்துள்ளார். அவரது உடல் அழுகிய நிலையில் இருந்துள்ளது. உடலைக்கைப்பற்றிய போலீசார் பிரேத பரிசோதனைக்காக அனுப்பியுள்ளனர்.
இது குறித்து வழக்குப்பதிவு செய்த விருகம்பாக்கம் போலீசார் இது கொலையா, தற்கொலையா என விசாரணை நடத்தி வருகின்றனர்.
For English News
