December 2, 2021 
தண்டோரா குழு
அசாமில் தண்டவாளத்தை கடக்க முயன்ற 2 யானைகள் ரயில் மோதி உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.
வடகிழக்கு மாநிலங்களில் ஒன்றான அசாமின் மோரிகான் மாவட்டம் ஜாகிரோடு அருகே 2 யானைகள் தண்டவாளத்தை கடக்க முயற்சித்துள்ளன. அப்போது, அந்த வழியாக வேகமாக வந்த திப்ருகார் நகருக்குச் செல்லும் ராஜதானி எக்ஸ்பிரஸ் ரயில் யானைகள் மீது மோதியது.
இதில் சில அடி தூரம் சென்று 2 யானைகளும் இழுத்துச் செல்லப்பட்டன. ஒரு யானை தண்டவாளத்திலேயே உயிரிழந்தது. மற்றொரு யானை பள்ளத்தில் விழுந்து மரணம் அடைந்தது. ஒரு யானையின் முறிந்த தந்ததை வனத்துறையினர் அகற்றி எடுத்தனர்.
இறந்த 2 யானைகளையும் புல்டோசர் இயந்திரம் மூலம் தண்டவாளம் அருகிலேயே குழி தோண்டி வனத்துறையினர் புதைத்தனர். அப்போது ஏராளமான பொதுமக்கள் குழிக்குள் உப்பை தூவி தங்கள் வேதனையை வெளிப்படுத்தினர்.
அசாமில் சுமார் 5000 காட்டு யானைகள் வாழ்ந்து வரும் நிலையில், ஆனால் காட்டு யானைகள் அடிக்கடி ரயிலில் மோதி இறப்பது வாடிக்கையாக உள்ளது. நாடு முழுவதும் யானைகள் தண்டவாளத்தை கடக்கும் மண்டலத்தில் ரயில்களின் வேகத்தை குறைக்க வேண்டும் என்ற கோரிக்கை மேலும் வலுக்க தொடங்கி உள்ளது.
கடந்த வாரம் கோவையில் தண்டவாளத்தை கடக்க முயன்ற கர்ப்பமாக இருந்த யானை உள்பட 4 யானைகள் உயிரிழந்த சோக சம்பவத்தின் சுவடு மறைவதற்குள்ள அசாமில் 2 யானைகள் ரயில் மோதி உயிரிழந்த சம்பவம் அதிர்ச்சியை ஏற்படுத்தியுள்ளது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
