May 23, 2017 
tamilsamayam.com
விஸ்வரூபம் -2 படத்தில் பாடல் வரிகள் விரைவில் வெளியிடப்படும் என்று கமல் ஹாசன் தெரிவித்துள்ளார்.
விஸ்வரூபம் முதல் பாகத்தின் வெற்றியை தொடர்ந்து இரண்டாம் பாகத்துக்கான அறிவிப்பும் வந்தது. அப்போதே இரண்டாம் பாகத்துக்கான பெரும்பாலான காட்சிகள் படமாக்கப்பட்டதால், சில மாதங்களிலேயே இரண்டாம் பாகமும் வெளியாகும் என ரசிகர்களால் ஆவலுடன் எதிர்பார்க்கப்பட்டது.
இதனிடையே, பல்வேறு காரணங்களால் அடுத்தகட்ட பணிகளில் தாமதம் ஏற்பட்டதால், படம் வெளியாவதிலும் தாமதம் ஏற்பட்டது. ரசிகர்களின் எதிர்பார்ப்பை பூர்த்தி செய்யும் விதத்தில், தேசியக் கொடியுடன் அட்டகாசமாக “விஸ்வரூபம் 2″ ஃப்ர்ஸ்ட் லுக் போஸ்டர் சில தினங்களுக்கு முன்னர் வெளியிடப்பட்டுள்ளது.
இந்தநிலையில் அவர் டுவிட்டரில் வெளியிட்டுள்ள பதிவில், ” விரைவில் விஸ்வரூபத்தின் பாடல் வரிகள் உங்கள் பார்வைக்கு இங்கே. மனதைத் தொற்றிப் பிடிக்கும் இசை . நன்றி ஜிப்ரனுக்கும் பாடகர்களுக்கும்” என்று தெரிவித்திருந்தார்.
For English News
