May 10, 2017 
tamil.samayam.com
பா.ரஞ்சித் இயக்கும் புதிய படத்தில் ரஜினிக்கு ஜோடியாக நடிக்க நடிகை வித்யா பாலன் மறுத்துள்ளார்.
கபாலி படத்தின் வெற்றிக்கு பிறகு பா.ரஞ்சித் இயக்கும் படத்தில் அடுத்த படத்திலும் ரஜினி நடிக்க இருக்கிறார். இந்த படத்தின் படப்பிடிப்பு இந்த மாதம் 28-ஆம் தேதி துவங்க இருக்கிறது. இந்நிலையில் இந்த படத்தின் கதாநாயகி யார்? என தற்போது வரை இறுதி செய்யப்படவில்லை.
ரஜினி கதாபாத்திரத்திற்கு பாலிவுட் நடிகை வித்யா பாலன் பொறுத்தமாக இருப்பார் என ரஞ்சித் விரும்பியதால், இது குறித்து படக்குழுவினர் வித்யா பாலன் தரப்பினரிடம் ஏற்கனவே பேச்சுவார்த்தை நடத்தினர். ரஜினியுடன் நடிக்க விருப்பம் தெரிவித்த நடிகை வித்யா பாலன் அதற்கான கால்ஷீட்டையும் அளித்தார்.
ஆனால் குறிப்பிட்ட நேரத்தில் படப்பிடிப்பை துவங்க முடியாததால், வித்யா பாலன் அளித்த தேதிகள் வீணாகின. இந்நிலையில் படப்பிடிப்பு இந்த மாத இறுதியில் துவங்கப்படுவது உறுதி செய்யப்பட்டுள்ளதால், மீண்டும் படக்குழுவினர் வித்யா பாலனை அணுகினர். ஆனால் அந்த தேதிகளை வேறு ஒரு பாலிவுட் படத்திற்கு அளித்துவிட்டதாக வித்யா பாலன் மறுப்பு தெரிவித்துவிட்டார்.
இதன் காரணமாக சூப்பர் ஸ்டாருடன் கைகோர்க்கும் நடிகை வித்யா பாலன் கனவு கைகூடவில்லை.
For English News
