January 30, 2017 
tamilsamayam.com
அஜித்குமார் நடிப்பில் மிகவும் எதிர்பபார்க்கப்படும் ‘ஏகே 57’ திரைப்படத்தின் முதல் பார்வை பிப்.2-ல் வெளியாக வாய்ப்பிருப்பதாக தகவல்கள் வெளியாகியுள்ளன.
கோலிவுட்டில் டாப் டிரெண்டிங்கில் பேசப்படும் ‘தல 57’ படத்தின் முதல் பார்வையை ஜனவரி மாத இறுதி வாரத்தில் வெளியிட படக்குழுவினர் திட்டமிட்டிருந்த நிலையில், ஜளிக்கட்டு விவகாரம் காரணமாக முதல் பார்வை வெளியீடு ஒத்திவைக்கப்பட்டது.
இந்நிலையில், இயக்குனர் சிறுத்தை சிவாவின் வியாழக்கிழமை சென்டிமென்ட்படி, இப்படத்தின் முதல் பார்வையை வருகிற பிப்.2ஆம் தேதி வெளியிடலாம் என்று கூறப்படுகிறது. ஒருவேளை அன்றைய தினம் முதல் பார்வை வெளியாகாவிட்டாலும், இது தொடர்பான அதிகாரப்பூர்வ அறிவிப்பு வெளியிடப்படும் என்று எதிர்ப்பார்க்கப்படுகிறது.
ஐரோப்பாவில் நடைபெறும் தீவிரவாத தாக்குதல் சம்பவத்தை அடிப்படையாகக் கொண்டு உருவாகியுள்ள ‘ஏகே 57’ திரைப்படத்திற்கு ‘விவேகம்’ என்று தலைப்பிட்டுள்ளதாகவும் தகவல்கள் வெளியாகியுள்ளன. அஜித்குமார், காஜல் அகர்வால், அக்ஷரா ஹாசன், விவேக் ஓபராய் இணைந்து நடிக்கும் இப்படத்தை சத்யா ஜோதி ஃபிலிம்ஸ் நிறுவனம் தயாரித்து வருகிறது.
For English News
