January 5, 2018 
தண்டோரா குழு
சூர்யா நடிப்பில் விக்னேஷ் சிவன் இயக்கத்தில் உருவாகியுள்ள படம் ‘தானா சேர்ந்த கூட்டம்’. இப்படம் வரும் பொங்கல் தினத்தில் வெளியாகவுள்ளது. இதனையடுத்து சூர்யா அடுத்ததாக செல்வராகவன் இயக்கத்தில் நடிக்கவுள்ளார்.
இந்தபடத்தில் சூர்யாவுக்கு ஜோடியாக சாய்பல்லவி நடிக்கவுள்ளார். இப்படத்தை கடந்த ஆண்டு அருவி, தீரன் அதிகாரம் ஒன்று படங்களை தயாரித்த ட்ரீம் வாரியர் பிக்சர்ஸ் நிறுவனம் தயாரிக்கிறது.புத்தாண்டு முதல் துவங்கப்பட்ட இப்படத்தின் ஆரம்பகட்ட பணிகள், வரும் பொங்கல் முதல் படப்பிடிப்பு துவங்கும் என்றும் அறிவிக்கப்பட்டுள்ளது.
இப்படத்தில் நடிக்கவுள்ள மற்ற நடிகர்களின் பட்டியல் விரைவில் வெளியிடப்படும் என ட்ரீம் வாரியர் பிக்சர்ஸ் நிறுவனம் சார்பில் தெரிவிக்கப்பட்டது. இந்நிலையில்,கார்த்தி ஜோடியாக தீரன் அதிகாரம் ஒன்று படத்தில் நடித்த ராகுல் ப்ரீத்தி சிங் இப்படத்தில் சூர்யாவுடன் இணைந்து நடிக்கவுள்ளதாக அவரே தனது டுவிட்டர் பக்கத்தில் தெரிவித்துள்ளார்.
For English News
