September 12, 2018 
தண்டோரா குழு
மனோபாலா தயாரிப்பில் அறிமுக இயக்குனர் வினோத் இயக்கத்தில் நட்டி நட்ராஜன் நடிப்பில் கடந்த 2014ம் ஆண்டு வெளியாகி மாபெரும் வெற்றி பெற்ற படம் சதுரங்க வேட்டை.இப்படத்தின் வெற்றியை தொடர்ந்து சதுரங்க வேட்டை-2 படம் உருவாகியுள்ளது.இப்படத்தை மனோபாலா தயாரிக்க அரவிந்த்சாமி, த்ரிஷா உள்ளிட்ட பலர் நடித்துள்ளனர்.இப்படத்தின் படப்பிடிப்பு முடிவடைந்த நிலையில் வெளியீட்டுக்கான முயற்சி நடந்து வருகிறது.
இதற்கிடையே அரவிந்த்சாமி தனது சம்பள பாக்கியான 1.79 கோடியை வட்டியுடன் வழங்க வேண்டும் என்று தயாரிப்பாளர் மனோபாலா மீது வழக்கு தொடர்ந்துள்ளார்.இவ்வழக்கு சென்னை உயர்நீதிமன்றத்தில் விசாரணைக்கு வந்தது.அப்போது,அரவிந்த் சாமி தரப்பில் பட வெளியீட்டை தடுப்பது எங்களது நோக்கம் அல்ல என்றும் சம்பள பாக்கி வந்து சேர வேண்டும் என்று கூறப்பட்டது.இதையடுத்து படத்தயாரிப்பாளர் மனோபாலா செப்.20-க்குள் பதிலளிக்க சென்னை உயர்நீதிமன்றம் உத்தரவிட்டுள்ளது.
For English News
