November 29, 2017 
தண்டோரா குழு
‘அடங்காதே’, ‘4ஜி’, ‘ஐங்கரன்’, ‘குப்பத்து ராஜா’, ‘100% காதல்’, ‘நாச்சியார்’ ஆகிய படங்கள் ஜி.வி.பிரகாஷ் நடிப்பில் உருவாகி வருகிறது. இந்த வரிசையில் ராஜீவ் மேனன் இயக்கும் புதிய படத்தில் நாயகனாக ஜி.வி.பிரகாஷ் நடித்து வருகிறார்.
‘மின்சார கனவு’ மற்றும் ‘கண்டுகொண்டேன் கண்டுகொண்டேன்’ ஆகிய படங்களைத் தொடர்ந்து ராஜீவ் மேனன் இயக்கும் 3-வது படம் இது. இப்படத்தில் ஜீவி பிரகாஷ் ட்ரம்ஸ் வாத்திய கலைஞராக நடிக்கிறார். இதற்காக அவர் தனியாக பயிற்சி எடுத்து வருகிறார்.
ராஜீவ் மேனன் இயக்கத்தில் ஜி.வி.பிரகாஷ் நாயகனாக நடிக்கும் ‘சர்வம் தாளமயம்’ படத்தின் ஃபர்ஸ்ட் லுக் இன்று வெளியானது.இப்படத்தில் ஜி.வி.பிரகாஷுடன் சாய் பல்லவி நடிக்க ஒப்பந்தமானதாக கூறப்பட்டது. ஆனால், சாய் பல்லவிக்குப் பதிலாக அபர்ணா பாலமுரளி நடிக்க ஒப்பந்தமாகி இருக்கிறார்.
மேலும், 9 பாடல்கள் உள்ள இப்படத்திற்கு ஏ.ஆர்.ரஹ்மான் இசையமைக்கிறார். ஏ.ஆர்.ரஹ்மான் – ஜி.வி.பிரகாஷ் இருவருமே உறவினர்கள் என்றாலும் இருவரும் இணைந்து பணியாற்றுவது இதுவே முதல் முறை என்பது குறிப்பிடத்தக்கது.
For English News
