• Download mobile app
21 May 2024, TuesdayEdition - 3023
FLASH NEWS
  • பீகார் முன்னாள் துணை முதலமைச்சர் சுஷில் குமார் மோடி காலமானார்!
  • தமிழ்நாட்டில் +1 பொதுத்தேர்வு முடிவுகள் வெளியானது.. 91.17% பேர் தேர்ச்சி..!
  • வள்ளுவரைப் பற்றிய அடிப்படை புரிதல் ஆளுநருக்கு இல்லை: கனிமொழி
  • தெலங்கானா முதலமைச்சராக பதவியேற்றார் ரேவந்த் ரெட்டி;
  • தமிழகத்தில் இயல்பை விட இந்த ஆண்டு, வடகிழக்கு பருவமழை குறைவு –
  • மிக்ஜாம் புயல்: தமிழ்நாட்டுக்கு ரூ.450 கோடி நிதி ஒதுக்கீடு!
  • மத்தியில் ஆட்சிக்கு வந்ததும் சாதிவாரி கணக்கெடுப்பை நடத்துவோம்-ராகுல் காந்தி

வடசென்னையில் அமலா பாலுக்கு பதில் ஐஸ்வர்யா!

April 19, 2017 tamilsamyam.com

பிரபல இயக்குனர் வெற்றிமாறனின் கனவுப் படமான ‘வடசென்னை’ திரைப்படத்தில் அமலாபாலுக்கு பதிலாக ஐஸ்வர்யா ராஜேஷ் ஒப்பந்தமாகியுள்ளதாக படக்குழு தெரிவித்துள்ளது.

தனுஷ் நடிப்பில் உருவாகிவரும் வடசென்னை படத்தின் கதாநாயகி இத்துடன் மூன்றாவது முறையாக மாற்றப்பட்டுள்ளார். முன்னதாக சமந்தா நடிப்பதாக அறிவிக்கபட்டது. அதைத் தொடர்ந்து பல்வேறு காரணங்களால் அவர் விலக, அமலாபால் ஒப்பந்தம் செய்யப்பட்டார். தற்போது அமலா பாலுக்கு தேதிகள் ஒதுக்குவதில் ஏற்பட்டுள்ளதால் அவரும் இப்படத்தில் இருந்து விலகியுள்ளார்.

இது குறித்து விளக்கமளித்த படக்குழு, ஏற்கனவே ஒப்பந்தமாகியிருந்த சில படங்களின் பணிகள் இருப்பதால் அமலா பால் வடசென்னையில் இருந்து விலகியுள்ளார். வடசென்னை படப்பிடிப்புக்காக திட்டமிட்ட தேதிகளுடன் அமலா பாலின் தேதிகள் ஒத்துப்போகாததால் அவரால் படப்பிடிப்பில் பங்கேற்க முடியவில்லை. ஆகையால் அவருக்கு பதில் ‘காக்கா முட்டை’ ஐஸ்வர்யா ராஜேஷ் கதாநாயகியாக ஒப்பந்தமாகியுள்ளார். ஐஸ்வர்யா ஏற்கனவே தனது படப்பிடிப்பை துவங்கிவிட்டார் என படக்குழு தரப்பில் தெரிவிக்கப்பட்டுள்ளது.

தனுஷின் வுண்டர்பார் ஃபிலிம்ஸ் மற்றும் லைகா நிறுவனம் இணைந்து தயாரிக்கும் ‘வடசென்னை’ திரைப்படம் வடக்கு சென்னையின் சேரி பின்னணியில் கேங்ஸ்டர் படமாக உருவாகி வருகிறது. இப்படத்தில் ஆண்ட்ரியா, சமுத்திரக்கனி உள்ளிட்ட பலர் நடிக்கின்றனர்.

தற்போது கவுதம் மேனன் இயக்கத்தில் சியான் விக்ரம் நடித்து வரும் ‘துருவ நட்சத்திரம்’ திரைப்படத்தில் ஐஸ்வர்யா ராஜேஷ் நடித்து வருகிறார்.

மேலும் படிக்க