August 14, 2018 
தண்டோரா குழு
தமிழ் சினிமாவின் முன்னணி நடிகையான அமலா பால் தற்போது அறிமுக இயக்குநர் வினோத் இயக்கி வரும் ‘அதோ அந்த பறவை போல’ படத்தில் நடித்து வருகிறார்.
கதாநாயகிக்கு முக்கியத்துவம் வாய்ந்த கதை என்பதால் இப்படத்தில் அமலாபாலுக்கு பல சண்டைக்காட்சிகள் உள்ளதாக கூறப்படுகிறது.இந்நிலையில்,அண்மையில் சண்டைக் காட்சியில் நடித்த போது அமலாபாலுக்கு அவரது வலது கையில் அடிபட்டுள்ளது.எனினும் அவர் தொடர்ந்து நடித்து வந்துள்ளார்.
இதற்கிடையில்,வலி அதிகமானதால் கொச்சியில் உள்ள மருத்துவமனையில் சிகிச்சைக்காக அமலாபால் அனுமதிக்கப்பட்டுள்ளார்.அவரை பரிசோதித்த மருத்துவர்கள் அவரது வலது கையின் தசைநாரில் காயம் ஏற்பட்டிருப்பதாக கூறியுள்ளனர்.இதனால்,அமலாபாலை நன்கு ஓய்வு எடுக்க மருத்துவர்கள் வலியுறுத்தியுள்ளனர்.
‘அதோ அந்த பறவை போல’ படத்தின் படப்பிடிப்பு கிட்டத்தட்ட 90 சதவிகிதம் நிறைவு பெற்றுள்ள நிலையில் நடிகை அமலா பாலுக்கு கையில் காயம் ஏற்பட்டிருப்பதால் படப்பிடிப்பு ஒத்திவைக்கப்பட்டுள்ளது என்பது குறிப்பிடத்தக்கது.
For English News
