October 15, 2018 
தண்டோரா குழு
பிரேம்குமார் இயக்கத்தில் விஜய் சேதுபதி – திரிஷா நடிப்பில் கடந்த 4-ந் தேதி வெளியாகிய 96. பள்ளிக் காதலை மையமாக வைத்து உருவாகி இருக்கும் இப்படத்திற்கு ரசிகர்களிடையே நல்ல வரவேற்பு கிடைத்துள்ளது.குறிப்பாக இப்படத்தை இளைஞர்கள் படத்தை கொண்டாடி வருகின்றனர்.அதைபோல் பல்வேறு திரையுல பிரபலங்களும் படத்தையும்,படக்குழுவையும் பாராட்டி வருகின்றனர்.
அதேபோல்,முண்டாசுப்பட்டி படத்தை இயக்கிய ராம்குமார் இயக்கத்தில் விஷ்ணு விஷால் – அமலாபால் நடிப்பில் 5-ந் தேதி வெளியான சைக்கோ த்ரில்லர் படமாக ராட்சசன் படத்திற்கும் நல்ல வரவேற்பு கிடைத்துள்ளது.இப்படத்தை சமூக வலைத்தளங்களில் புகழ்ந்து ரசிகர்கள் கருத்து தெரிவித்து வருகின்றனர்.இரு படங்களின் காட்சிகளின் எண்ணிக்கையும் கணிசமாக உயர்ந்து வருகிறது.இந்நிலையில்,படத்தை பார்த்த பிரம்மாண்ட இயக்குநர் ஷங்கர் 96,ராட்சசன் படக்குழுவை பாராட்டி உள்ளார்.
இதுகுறித்து ஷங்கர் தனது ட்விட்டர் பக்கத்தில்,
“96,ஏதாவது ஒரு காட்சியில் தனிப்பட்ட முறையில் நம்மை தொடர்புபடுத்துகிறது.அதுவே இந்த படத்தின் அழகு.விஜய்சேதுபதி அற்புதமான நடிப்பு.திரிஷாவை பார்க்கும் போது மகிழ்ச்சியாக உள்ளது.பிரேம்குமாருக்கு வாழ்த்துக்கள்.ராட்சசன்,மற்றொரு சுவாரஸ்யமான படம்.ரசிகர்கள் இயக்குநர் ராம்குமாருக்கு கைதட்டி வாழ்த்து தெரிவிப்பதை பார்க்க மகிழ்ச்சியாக உள்ளது.அது அவருக்கே உரியதாகும்” எனக் கூறியுள்ளார்.
For English News
