October 5, 2018 
தண்டோரா குழு
காலா படத்தின் வெற்றிக்கு பின் ரஜினி கார்த்திக் சுப்புராஜ் இயக்கத்தில் பேட்ட படத்தில் படத்தில் நடித்து வருகிறார். சன் பிக்சர்ஸ் நிறுவனம் தயாரித்து வரும் இந்தப் படத்தில் பாலிவுட் நடிகர் நவாசுதீன் சித்திக், விஜய் சேதுபதி, த்ரிஷா, சிம்ரன், உள்ளிட்டோர் முக்கிய கதாபாத்திரங்களில் நடித்து வருகின்றனர். அனிருத் இசையமைக்கிறார்.
சமீபத்தில் படத்தின் ஃபர்ஸ்ட் லுக் போஸ்டரை வெளியிட்டிருக்கும் படக்குழுவினர் தொடர்ந்து படப்பிடிப்பில் ஈடுபட்டு வருகின்றனர். பேட்ட படத்தின் இறுதிக்கட்ட படப்பிடிப்பு தற்போது லக்னோ மற்றும் வாரணாசியில் விறுவிறுப்பாக நடந்து வருகிறது. சமீபத்தில் ரஜினி, விஜய்சேதுபதி சம்பந்தப்பட்ட சண்டைக்காட்சிகள் லக்னோவிலும், வாரணாசியிலும் படமாக்கப்பட்ட நிலையில் ரஜினி, திரிஷா சம்பந்தப்பட்ட காட்சிகளை தற்போது படமாக்கி வருகின்றனர்.
இதற்கிடையில், படத்தில், நடிகரும் இயக்குநருமான சசிக்குமார் இணையவுள்ளதாக கூறப்படுகிறது. இந்நிலையில், பேட்ட படத்தில் சசிகுமார் இணைத்துள்ளதாக சன் பிக்ஸர் நிறுவனம் அதிகாரப்பூர்வமாக அறிவித்துள்ளது.
சசிக்குமார் தற்போது ’கொம்பு வச்ச சிங்கம்டா’ படத்தில் நடித்து வருகிறார். இந்த படத்தைத் தொடர்ந்து சசிக்குமார் வாரணாசியில் நடைபெற்று வரும் பேட்ட படத்தின் படப்பிடிப்பில் நடித்து வருவதாகவும் தகவல் வெளியாகியுள்ளது. ரஜினியின் பிளாஷ்பேக் காட்சியில் அவருக்கு நண்பராக நடிகர் சசிகுமார் நடிப்பதாக தகவல் கசிந்துள்ளது.
மேலும் அவர் திரிஷாவுக்கு அண்ணனாகவும் நடிப்பதாக கூறப்படுகிறது.ஏற்கனவே சசிகுமார் நடிகர் தனுஷின் எனை நோக்கி பாயும் தோட்டா படத்தில் தனுஷுக்கு அண்ணனாக நடித்திருக்கிறார் என்பதும் குறிப்பிடத்தக்கது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
