May 10, 2017 
தண்டோரா குழு
உலகின் சிறந்த பிரபலங்களின் வாழ்க்கை வரலாறு படமாக்கப்பட்டு வருகிறது. அந்த வகையில் தற்போது ஹாலிவுட் பிரபல நடிகரும் குங் பூ கலையில் வல்லவருமான புரூஸ் லீயின் வாழ்க்கை வரலாறும் படமாக எடுக்கப்படுகிறது.
இப்படத்தை பிரபல பாலிவுட் இயக்குனர் சேகர் கபூர் ” லிட்டில் டிராகன் ” என்ற தலைப்பில் இயக்க இருக்கிறார். இப்படத்தை “புரூஸ் லீ என்டர்டைன்மெண்ட்” நிறுவனம் தயாரிக்க உள்ளதாக அந்நிறுவன உரிமையாளரும் புரூஸ் லீ யின் மகளுமான ஷானான் லீ அறிவித்திருக்கிறார்.
இந்நிலையில்,அவ்வப்போது சர்ச்சைக்குரிய கருத்துகளை கூறிவரும் பாலிவுட்டின் மற்றொரு பிரபல இயக்குனரான ராம் கோபால்வர்மா சர்ச்சையான தனது ட்விட்டர் பக்கத்தில் பதிவை வெளியிட்டு இருக்கிறார்.
அதில், புரூஸ் லீயின் பக்தனான எனக்கு தான் அவரைப் பற்றி நன்றாக தெரியும், என்னால் மட்டும் தான் படத்தை முழுமையாக எடுக்க முடியும் என கூறியுள்ளார்.
For English News
