July 18, 2017 
தண்டோரா குழு
பிரபு சாலமன் இயக்கத்தில் வெளிவந்த கும்கி படம் மாபெரும் வெற்றி பெற்றது. இதையடுத்து இப்படத்தின் இரண்டாம் பாகத்தை பிரபு சாலமன் இயக்கவுள்ளார்.
இதற்கு முன்பாக பிரபு சாலமன் இயக்கிய படங்கள் என்றாலே, இமான் தான் இசையமைப்பாளராக இருப்பார். பிரபுசாலமன், இமான், யுகபாரதி கூட்டணியில் ‘மைனா’, ‘கும்கி’, ‘கயல்’ உருவான படங்களின் பாடல்கள் பெரும் வரவேற்பைப் பெற்றவை.பாடல்கள் மற்றும் பின்னணி இசைக்கு அதிகம் முக்கியத்துவம் கொடுத்து காட்சிப்படுத்துபவர் பிரபுசாலமன் என்பது குறிப்பிடத்தக்கது.
இந்நிலையில், பிரபுசாலமன் இயக்கவுள்ள ‘கும்கி-2’ படத்திற்கு இசையமைப்பாளராக தற்போது நிவாஸ் கே.பிரசன்னா ஒப்பந்தம் செய்யப்பட்டுள்ளார்.இதற்கான காரணம் என்ன என்பது இதுவரை வெளியாகவில்லை.
For English News
