November 1, 2019 
தண்டோரா குழு
தமிழ் சினிமாவில் தூள் திரைப்படத்தின் மூலமாக வெள்ளித்திரையில் அறிமுகமானவர் நாட்டுப்புற பாடகி பரவை முனியம்மா. தூள் படத்திற்கு பிறகு பல படங்களில் நடித்தும் பாடியும் உள்ள பரவை முனியம்மா சின்னத்திரையிலும் சமையல் நிகழ்ச்சி ஒன்றை தொகுத்து வழங்கினார்.
வயது முதிர்வு காரணமாக எந்த திரைப்படங்களிலும் நடிக்காமல் மதுரை பரவை பகுதியில் உள்ள தனது மகன் வீட்டில் வசித்து வருகிறார். சமீப காலமாக கிட்னியில் பிரச்சனை ஏற்பட்டு மருத்துவமனையில் தீவிர சிகிச்சையில் இருந்து வந்தார். இந்நிலையில் இவர் இன்று சிகிச்சை பலனின்றி மதுரையில் உயிர் இழந்து விட்டதாக சமூக வளையதளங்களில் தகவல் ஒன்று வைரலாகி வருகிறது.
இந்நிலையில், ஆனால் இது உண்மையில்லை, நான் நேற்று தான் பரவை முனியம்மாவை பார்க்க சென்றிருந்தேன். அவர் நலமுடன் உள்ளார். தேவையில்லாமல் வதந்திகளை பரப்பாதீர்கள் என கேட்டு கொண்டுள்ளார் இளம் நடிகர் அபி சரவணன்.
மேலும், பரவை முனியம்மா விரைவில் நலம் பெற்று வீடு திரும்புவார்.முனியம்மாவுக்கான சிகிச்சை செலவுகளை நாங்களே ஏற்றுக் கொள்கிறோம் என்று மதுரை வேலம்மாள் மருத்துவமனை நிர்வாகம் தெரிவித்துள்ளது.
For English News
