February 5, 2018 
தண்டோரா குழு
வீரம், வேதாளம்’, விவேகம் படங்களின் வெற்றிக்கு பிறகு இயக்குநர் சிவா இயக்கத்தில் 4 முறையாக தல அஜீத் விசுவாசம் படத்தில் நடிக்கவுள்ளார். இந்த படத்தை ‘சத்யஜோதி ஃபிலிம்ஸ்’ நிறுவனம் தயாரிக்கவுள்ளது.
மங்காத்தா’ படத்திலிருந்தே சால்ட் and பெப்பர் லுக்கில் வலம் வந்த அஜித், இதில் மிக ஸ்டைலிஷாகவும், செம ஸ்லிம்மாகவும் தோன்றவுள்ளாராம். சமீபத்தில், படத்திற்கு பூஜை போடப்பட்டது. இதன் ப்ரீ-புரொடக்ஷன் பணிகள் பரபரப்பாக நடைபெறுகிறது.
தற்போது, படத்தில் அஜித்துக்கு ஜோடியாக நடிக்க ‘லேடி சூப்பர் ஸ்டார்’ நயன்தாரா கமிட்டாகியுள்ளதாக அதிகாரப்பூர்வ தகவல் வெளியாகியுள்ளது. ஏற்கெனவே, ‘பில்லா, ஏகன், ஆரம்பம்’ ஆகிய படங்களில் அஜிதுடன் நயன்தாரா இணைந்து நடித்துள்ளது குறிப்பிடத்தக்கது.
‘தல 58’யின் ஷூட்டிங்கை வருகிற பிப்ரவரி 22-ஆம் தேதி துவங்கவுள்ளனர். படத்தை இந்தாண்டு (2018) தீபாவளி ஸ்பெஷலாக வெளியிடத் திட்டமிட்டுள்ளனர்.
For English News
