February 26, 2019 
தண்டோரா குழு
ஏ.ஆர்.முருகதாஸின் சர்கார் படத்தின் வெற்றியை தொடர்ந்து தளபதி விஜய் AGS நிறுவனம் தயாரிப்பில் உருவாகி வரும் படம் தளபதி 63 படத்தில் நடித்து வருகிறார்.
தெறி,மெர்சல் படங்களை தொடர்ந்து இயக்குனர் அட்லீ மூன்றாவது முறையாக தளபதியுடன் இணைகிறார். இப்படத்தில் விஜய்க்கு ஜோடியாக லேடி சூப்பர்ஸ்டார் நயன்தாரா நடிக்கிறார். மேலும், கதிர்,விவேக்,யோகி பாபு,ஆனந்தராஜ்,டேனியல் பாலாஜி உள்ளிட்ட பலரும் நடித்து வருகின்றனர்.
ஏ.ஆர்.ரஹ்மான் இசையமைக்கும் இப்படத்தின் சூட்டிங் கடந்த மாதம் துவங்கி படப்பிடிப்பு விறுவிறுப்பாக நடைபெற்று வருகிறது. இதற்கிடையில்,இந்த படத்தின் ஷூட்டிங் எதிர்பார்த்ததை விட விறுவிறுப்பாக நடந்து வருவதாகவும், படம் முன்கூட்டியே வெளியிடப்படும் என்றும் செய்திகள் வெளியாகின. இந்நிலையில், இந்த செய்தி உண்மையில் இல்லை வெறும் வதந்தி தான் , படம் திட்டமிட்டபடி தீபாவளி அன்று வெளியாகும் என படத் தயாரிப்பாளர் தெரிவித்துள்ளார். இதனால் தளபதி ரசிகர்கள் அனைவரும் மகிழ்ச்சியில் உள்ளனர்.
For English News
