March 17, 2017 
tamilsamayam.com
தல அஜித், சிவா கூட்டணியில் வீரம், வேதாளம் ‘ஹிட்’டுக்கு பின் ஹாட்ரிக் கொடுக்க தயாராகவுள்ள படம் விவேகம்.
சமீபத்தில் விவேகம் படத்தின் பர்ஸ்ட் லுக் வெளியாகி, ரசிகர்கள் மத்தியில் பட்டைய கிளப்பிக்கொண்டுள்ளது. இந்நிலையில் தல அஜித் இப்படத்தின் இறுதிகட்ட படபிடிப்புக்காக சென்றுள்ளார்.
இப்படத்தின் ரிலீஸ் தேதி, என பலரும் ஒவ்வொரு தேதிகளை தெரிவித்துவரும் நிலையில், வீரம், வேதாளம் படங்களுக்கு வைத்த செண்டிமெண்டை , சிவா மற்றும் படக்குழுவினர் விவேகம் படத்துக்கும் வைக்க திட்டமிட்டுள்ளதாக தெரிகிறது.
வீரம் படம் கடந்த ஜனவரி 10, 2014ல் வெளியானது. அதே போல வேதாளம் படம் கடந்த 2015 நவம்பர் 10ல் ரிலீஸானது. இதே செண்டிமெண்டில் வரும் ஆகஸ்ட் 10, 2017ல் விவேகம் படத்தையும் ரிலீஸ் செய்ய திட்டமிட்டுள்ளதாக தகவல்கள் தெரிவிக்கின்றன. ஆனால் இது குறித்து படக்குழு சார்பாக அதிகாரப்பூர்வ அறிவிப்பு எதுவும் வெளியிடவில்லை.
For English News
