December 22, 2018 தண்டோரா குழு
இயக்குநர் வெற்றிமாறன் இயக்கத்தில் நடிகர் தனுஷ் நடித்த முதல் படம் பொல்லாதவன். இப்படம் மாபெரும் வெற்றி பெற்றது. அதன்பின் இருவரும்’ஆடுகளம்’ படத்தில் மீண்டும் இணைந்தனர். இப்படமும் நல்ல வரவேற்பை பெற்று தேசிய விருதையும் பெற்றது.
இப்படத்தை தொடர்ந்து மூன்றாவது முறையாக தனுஷ் வெற்றிமாறன் கூட்டணியில் வெளிவந்த வடசென்னை படமும் மாபெரும் வெற்றி பெற்றது. இந்நிலையில், தற்போது இக்கூட்டணி நான்காவது முறையாக இணைந்துள்ளது. இப்படத்தின் அதிகாரப்பூர்வ அறிவிப்பு இன்று வெளியாகியுள்ளது.
கலைப்புலி தானு தயாரிக்கும் இப்படத்திற்கு அசுரன் என்று பெயரிடப்பட்டுள்ளது. இப்படத்தின் பர்ஸ்ட் லுக் போஸ்டரும் இன்று வெளியிடப்பட்டுள்ளது. விரைவில் இப்படத்தின் சூட்டிங் துவங்கும் என எதிர்பார்க்கப்படுகிறது.