January 22, 2019 
தண்டோரா குழு
பாலாஜி மோகனின் இயக்கத்தில் தனுஷ் நடிப்பில் ‘மாரி 2′ அண்மையில் வெளியாகி நல்ல வரவேற்பை பெற்று வருகிறது. இப்படத்திற்கு பிறகு தனுஷின் அசுரன் படம் குறித்த அறிவிப்பு அண்மையில் வெளியானது.
வி கிரியேஷன்ஸ் நிறுவனம் சார்பில் கலைபுலி தாணு தயாரிக்கும் இப்படத்தை வெற்றி மாறன் இயக்கவுள்ளார். இப்படம் வெக்கை’ என்ற நாவலின் தழுவலாம்
எனக் கூறப்படுகிறது. சமீபத்தில் வெளியான படத்தின் பர்ஸ்ட் லுக் ரசிகர்களிடம் நல்ல வரவேற்பை பெற்றது. இப்படத்திற்கு ஜீவி பிரகாஷ் இசையமைக்கவுள்ளார். இதனை அவரே தனது டுவிட்டர் பக்கத்தில் தெரிவித்துள்ளார். ஆடுகளம், பொல்லாதவன், மயக்கம் என்ன படத்தை தொடர்ந்து ஜீவி பிரகாஷ் நான்காவது முறையாக அரசுரன் படத்திற்கு இசையமைக்கவுள்ளார். மேலும், இப்படத்தின் சூட்டிங் ஜனவரி 26ம் தேதி துவங்கவுள்ளது.
இந்நிலையில், இப்படத்தில் தனுஷுக்கு ஜோடியாக நடிக்க பிரபல மலையாள நடிகை மஞ்சு வாரியர் ஒப்பந்தம் செய்யப்பட்டுள்ளார். இதை நடிகர் தனுஷ் தனுஷ் தனது ட்விட்டர் பதிவின் மூலம் உறுதிபடுத்தியுள்ளார்.
For English News
