June 8, 2018 
தண்டோரா குழு
ரஞ்சித் இயக்கத்தில் ரஜினி நடிப்பில் உருவாகியுள்ள படம் காலா.தனுஷ் தயாரிப்பில் உருவான இப்படம் நேற்று உலகமெங்கும் வெளியாகி ரசிகர்கள் மத்தியில் பெரும் வரவேற்பு பெற்று வருகிறது.
முதன் முதலில் காலா படத்தின் ஃபர்ஸ்ட் லுக் போஸ்டர் வெளியான போதே பலரும் கவனித்த ஒரு முக்கியமான விஷயம்.அதில் ரஜினிக்கு அருகே இருக்கும் நாய்.காலா படத்தில் ஆசாமி என்ற பெயரில் நடித்துள்ள இந்த நாயின் உண்மையான பெயர் மணி.
ரஞ்சித்,இப்படத்திற்காக நிறைய நாய்களை அழைத்து வரச் சொல்லி ஆடிஷன் நடத்தியுள்ளாராம். இதன் பயிற்சியாளர் சைமன், நாயை இயக்குனர் பா.ரஞ்சித்துக்கு காட்டியதில் 30 நாய்களைப் பார்த்து திருப்தியடையாமல் இருந்த அவர் உடனே காலா படத்தில் மணியை நடிக்க வைத்தார்.
இந்நிலையில்,ரஜினியுடன் ‘காலா’ படத்தில் நடித்ததையடுத்து இந்த நாயை ரூ.2 கோடி வரை கொடுத்து வாங்க வெளிநாட்டில் சிலர் தயாராக இருக்கிறார்களாம்.ஆனால் இதை வளர்க்கும் சைமன் தன்னுடைய பிள்ளை போல் வளர்ப்பதால் கொடுக்க மனமில்லை என்று மறுத்துள்ளாராம்.காலா படத்தில் நடித்து அந்தப் படம் வெளியாவதற்குள் ‘மெஹந்தி’ சீரியல் உட்பட நான்கு படங்களில் இந்த நாய் என்பது நடித்திருக்கிறது என்பது குறிப்பிடத்தக்கது.
For English News
