June 23, 2017 
tamilsamayam.com
தமிழில் நடிகர் கமல்ஹாசன் பிக் பாஸ் நிகழ்ச்சியை தொகுத்து வழங்க உள்ள நிலையில் தெலுங்கில் ஜூனியர் என்டிஆர் தொகுத்து வழங்க உள்ளார்.
கலர்ஸ் தொலைக்காட்சியில் கடந்த 10 ஆண்டுகளாக வெற்றிகரமாக நடைபெற்று வரும் நிகழ்ச்சி பிக் பாஸ். இந்த நிகழ்ச்சி தமிழ் மற்றும் தெலுங்கு மொழிகளில் ஒளிபரப்பாக உள்ளன. வருகின்ற ஞாயிற்றுக்கிழமை முதல் விஜய் டிவியில் பிக் பாஸ் நிகழ்ச்சி ஒளிபரப்பாக உள்ளது. இந்த நிகழ்ச்சிக்கு ரசிகர்களிடையே பெரும் எதிர்பார்ப்பு நிலவுகிறது. காரணம் பிக் பாஸ் தமிழ் நிகழ்ச்சியை தொகுத்து வழங்குகிறார் உலக நாயகன் கமல்ஹாசன்!
இதே நிகழ்ச்சி தெலுங்கிலும் தயாராகிவருகிறது. மா தொலைக்காட்சியில் ஒளிபரப்பாக உள்ள இந்த நிகழ்ச்சியை ஜூனியர் என்டிஆர் தொகுத்து வழங்க உள்ளார். இதற்காக அவருக்கு பெரிய தொகை சம்பளமாக கொடுக்கப்பட்டுள்ளது. பிக் பாஸ் நிகழ்ச்சியின் வடிவமைப்பு என்னவென்றால், 15 பிரபலங்கள், 100 நாட்கள் நிகழ்ச்சிக்காகவே வடிவமைக்கப்பட்ட வீடு ஒன்றில் தங்கியிருக்க வேண்டும். வீட்டின் பாத் ரூம்களை தவிர மற்ற எல்லா இடங்களிலும் கேமரா பொருத்தப்பட்டிருக்கும்.
ஒவ்வொரு சீசனுக்கும் புது வீடு பிக்பாஸ் நிகழ்ச்சிக்காக வீடு செட் போடப்படுகிறது. கார்டன், நீச்சல் குளம், ஜிம் என்று மிகவும் வசதியாக வீடு வடிவமைக்கப்பட்டிருக்கும். ஆனால் 1 அல்லது 2 படுக்கை அறை, 4 கழிவறை, குளியலறை தான் வீட்டில் இருக்கும். வீட்டில் 100 நாட்கள் தங்கி இருப்பவர்களுக்கு வெளி உலக தொடர்பு இருக்காது. டிவி, செல்போன், இன்டர்நெட், கடிகாரம், பேனா, பேப்பர் என்றும் எதுவும் வீட்டில் இருக்காது.
ஏற்கனவே மற்ற நாடுகளிலும், ஹிந்தியிலும் பிக் பாஸ் நிகழ்ச்சி மிகப்பெரிய அளவில் ஹிட்டானதால் தமிழ் மற்றும் தெலுங்கிலும் எதிர்பார்ப்பு அதிகமாக உள்ளது.
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
அரசியலில் பெண்களுக்கு எதிராக அதிகரித்து வரும் அவதூறுகள்… சத்குரு கடும் கண்டனம்
கோவையில் போதி மனநல மருத்துவமனை ஏப்ரல் 13-ல் துவக்கம்
பெரிய சாதனையாளர்களுக்கு கூட ஆட்டிசம் குறைபாடு உள்ளது – கோவையில் முன்னாள் டிஜிபி சைலேந்திர பாபு பேட்டி!
வெள்ளலூர் குப்பை கிடங்கில் தீ – ரூ.20 கோடிக்காக நடந்த சதியா என புகார்
For English News
