March 1, 2018 
தண்டோரா குழு
கமல்ஹாசன் இயக்கத்தில் 2013ம் ஆண்டு பல்வேறு சர்ச்சைகளுக்கு மத்தியில் வெளியாகி மாபெரும் வெற்றி பெற்ற படம் விஸ்வரூபம். இதன் இரண்டாவது பாகமும் தயாராகி வந்தது.
இதுமட்டுமின்றி முதல் பாகத்தை எடுக்கும் போதே இரண்டாவது பாகத்துக்கான 40 சதவிகித படப்பிடிப்பை கமல் முடித்துவிட்டார் என சொல்லப்பட்டது. ஆனாலும் இன்னும் படத்தின் வெளியீடு பற்றி எந்த அறிவிப்பும் இல்லாமல் இருந்தது. இதனைத்தொடர்ந்து, அண்மையில் படத்தின் புதிய போஸ்டர் மட்டும் வெளிவந்தது.
தற்போது விஸ்வரூபம் 2 படத்தின் டிரெய்லர் விரைவில் வெளியாக இருப்பதாக சொல்லப்படுகிறது. இந்நிலையில், விஸ்வரூபம் 2 படத்தின் டிரைலர் ரெடி என ‘தூங்கா வனம்’ படத்தின் இயக்குனர் ராஜேஷ் மா. செல்வா இந்த அறிவிப்பை வெளியிட்டுள்ளார்.இதனால் விரைவில் டிரெய்லர் வெளியீடு மற்றும் பட வெளியீடு குறித்த தகவல் வரும் என எதிர்பார்க்கப்படுகிறது.
For English News
