November 29, 2018 
தண்டோரா குழு
இயக்குநர் மணிரத்னம் இயக்கத்தில் சமீபத்தில் வெளியான படம் செக்கச் சிவந்த வானம். இப்படத்தில் விஜய்சேதுபதி, சிம்பு, அரவிந்த் சாமி, அருண் விஜய் உள்ளிட்ட பல நடிகர்கள் இணைந்து நடித்தனர். விமர்சன ரீதியாகவும் , வசூல் ரீதியாகவும் நல்ல வரவேற்பைப் பெற்ற இந்தப் படத்தை சிறந்த மல்டி ஸ்டாரர் படமாக ரசிகர்கள் கொண்டாடினார்கள்.
இப்படத்தை தொடர்ந்து இயக்குநர் மணி ரத்னம் அடுத்ததாக தனது கனவு படமான பொன்னியின் செல்வன் படத்தை இயக்க திட்டமிட்டிருக்கிறார். கடந்த முறை விஜய் மற்றும் மகேஷ் பாபு ஆகியோரை வைத்து முதலில் பேச்சுவார்த்தை தொடங்கினார். ஆனால், எதிர்பார்த்ததை விட பட்ஜெட் அதிகமானதால் அந்த முயற்சியைக் கைவிட்டார்.
தற்போது இந்தப் படத்துக்காக நடிகர் விஜய், விக்ரம், சிம்பு ஆகியோரை இயக்குநர் மணி ரதனம் அணுகியுள்ளார். மேலும் நடிகர் விஜய்யை தன் அலுவலகத்துக்கு வரவழைத்து ஃபோட்டோ ஷூட் செய்துள்ளதாகவும் திரைத்துறை வட்டாரங்கள் தெரிவிக்கின்றன.விக்ரம் மற்றும் சிம்பு இருவரையும் வைத்து விரைவில் இதே போன்றதொரு போட்டோ ஷூட்டும் விரைவில் நடக்கும் எனத் தெரிகிறது.இப்படத்தையும் ‘செக்கச்சிவந்த வானம்’ படத்தை தன்னுடன் இணைந்து தயாரித்த லைகா நிறுவனமே தயாரிக்கவுள்ளதாக முதற்கட்டத் தகவல்கள் வெளியாகியுள்ளன.
தனது கனவு படமான பொன்னியின் செல்வன் படத்தை படமாக்கும் முயற்சியில் இயக்குநர் மணிரத்னம் வெற்றி பெறுவாரா?
குடும்பங்களுக்கான சர்வதேச ரோமிங் சேவையான ஃபேமிலி இன்டர்நேஷனல் ரோமிங் பேக்குகள் மிகவும் மலிவு விலையில் விஐ நிறுவனம் அறிமுகம்
கோவையில் ஸ்பேஸ்ஒன் தன் விரிவாக்கத்தை மேம்படுத்தி, அதிகரித்து வரும் பணிமிட தேவையை பூர்த்தி செய்கிறது
ஐன்ஸ்டீன் கிட்ஸ் இன்டர்நேஷனல் ப்ரிஸ்கூல் மற்றும் டைம் கிட்ஸ் ப்ரிஸ்கூல் சார்பில் சாலைப் பாதுகாப்பு வகுப்பு
கோவையில் நடந்த 28வது ஜேகே டயர் எப்எம்எஸ்சிஐ தேசிய பந்தய சாம்பியன்ஷிப் போட்டி: எல்ஜிபி பார்முலா கார் பந்தயத்தில் துருவ் கோஸ்வாமி சாம்பியன் பட்டம் வென்றார்
காலி மனை வாங்குவது தொடர்பாக அடிசியா டெவலப்பர்சின் கோவை அலெர்ட் எனும் விழிப்புணர்வு பிரச்சாரம் துவக்கம்
வெல்த் கம்பெனி மியூச்சுவல் ஃபண்ட் ஒரு ட்ரூ-டு-லேபிள் ஹைப்ரிட் மல்டி அசெட் அலோகேஷன் ஃபண்டை வெளியிடுகிறது
For English News
