• Download mobile app
28 Feb 2020, FridayEdition - 1479
FLASH NEWS
  • பிப்.24 பெண் குழந்தைகள் பாதுகாப்பு நாள் – முதல்வர் அறிவிப்பு
  • உயர்நீதிமன்றம் தடையை மீறி போராட்டம்! #CAAProtest
  • காஷ்மீர் எல்லையருகே 3 தீவிரவாதிகள் சுட்டுக் கொலை

ரஜினி 168 படத்தில் இணைந்த நடிகை கீர்த்தி சுரேஷ் !

December 9, 2019 தண்டோரா குழு

ஏ.ஆர்.முருகதாஸ் இயக்கத்தில் லைகா நிறுவனம் தயாரித்துள்ள தர்பார் படத்தை அடுத்து ரஜினிகாந்தின் 168-வது படத்தை சன் பிக்சர்ஸ் நிறுவனம் தயாரிக்கிறது. இந்தப் படத்தை விஸ்வாசம் பட இயக்குநர் சிவா இயக்குகிறார். விஸ்வாசம் படத்தை அடுத்து நடிகர் சூர்யாவை வைத்து படம் இயக்க இருந்த சிவா, தற்போது ரஜினியின் 168-வது படத்தை இயக்க உள்ளார்.

இப்படத்திற்கு டி.இமான் இசையக்கவுள்ளார். இதன் மூலம் ரஜினி படத்துக்கு முதன்முறையாக டி.இமான் இசையமைக்கவுள்ளார். காமெடி நடிகர் சூரியும் இப்படத்தில் இணைந்துள்ளார். மேலும், தனது படங்களின் வழக்கமான தொழில்நுட்பக் கலைஞர்களான ஒளிப்பதிவாளர் வெற்றி, எடிட்டர் ரூபன் ஆகியோரை இந்தப் படத்திலும் உபயோகப்படுத்த சிவா முடிவு செய்துள்ளார். இது தொடர்பான அறிவிப்பும் விரைவில் வெளியாகும் என எதிர்பார்க்கப்படுகிறது.

இந்நிலையில், இப்படத்தில் நடிகை கீர்த்தி சுரேஷ் இணைந்துள்ளதாக சன் பிக்சர்ஸ் நிறுவனம் அதிகாரப்பூர்வமாக அறிவித்துள்ளது.
இதன் மூலம் கீர்த்தி சுரேஷ் முதல் முறையாக ரஜினியுடன் இணைந்து நடிக்கவுள்ளார்.இப்படத்தின் படப்பிடிப்பு இந்த மாதம் தொடங்கவுள்ளதாக கூறப்படுகிறது.

மேலும் படிக்க