August 8, 2017 
தண்டோரா குழு
இயக்குநர் ஷங்கர் இயக்கத்தில் 1999 ஆம் ஆண்டு ஆக்ஷன் கிங் அர்ஜுன், ரகுவரன்,மனீஷா கொய்ராலா,வடிவேலு ஆகியோர் நடிப்பில் வெளியாகி மாபெரும் வெற்றி பெற்ற திரைப்படம் `முதல்வன்’
இப்படம் அர்ஜுன் மற்றும் ரகுவரன் ஆகியோருக்கு இடையே நடக்கும் அரசியல் மோதல் கதையாக உருவாகி மக்கள் மத்தியிலும் நல்ல வரவேற்பை பெற்றது. இதனால் இப்படம் பாலிவுட்டில் `நாயக்’ என்ற பெயரில் வெளியிடப்பட்டது.அதில் நடிகர் அனில் கபூர், நடிகை ராணி முகர்ஜி ஆகியோர் முக்கிய கதாபாத்திரங்களில் நடித்திருந்தனர்.
இந்நிலையில், `முதல்வன்’ படத்தின் இரண்டாவது பாகத்திற்கான கதை தற்போது தயாராகியுள்ளதாக `பாகுபலி’ இயக்குநர் ராஜமவுலியின் தந்தையும், எழுத்தாளருமான கே.வி. விஜயேந்திர பிரசாத் சமீபத்தில் அளித்த பேட்டி ஒன்றில் தெரிவித்திருந்தார்.
ஆனால், தற்போது இப்படத்தில் கதாநாயகனாக யார் நடிப்பார் என்ற கேள்வி எழுந்துள்ளது. முதல் பாகத்தில் நடித்த ஆக்ஷன் கிங் அர்ஜுனே இப்படத்திலும் நடிப்பாரா? அல்லது ரஜினி, விஜய் யாரேனும் நடிக்க வாய்ப்புள்ளதா? என்ற கேள்வி ரசிகர்கள் மத்தியில் நிலவி வருகிறது.
For English News
