April 26, 2017
தண்டோரா குழு
ப.பாண்டி படத்திற்கு முன் 14 குறும்படங்களை இயக்கியுள்ளதாக நடிகர் தனுஷ் கூறியுள்ளார்.நடிகராக சினிமா வாழ்க்கையைத் தொடங்கி, பாடகராகி, பாடலாசிரியராகி, தயாரிப்பாளராகி தற்போது இயக்குநராக அவதாரம் எடுத்துள்ளார் தனுஷ். அவருடைய இயக்கத்தில் ராஜ்கிரண் நடித்த ப.பாண்டி திரைப்படம் வெளியாகி நல்ல வரவேற்பை பெற்றுவருகிறது.
இந்நிலையில் சமீபத்தில் இப்படம் குறித்து நடிகர் தனுஷ் பேசுகையில்,
ப.பாண்டி படத்தின் முன்னோட்டமாக நான் 14 குறும்படங்களை இயக்கி பயிற்சி பெற்றேன். அதில் ஒவ்வொன்றில் இருந்தும் நான் பாடம் கற்றுக் கொண்டேன். “இன்னும் நான் இயக்குநராகத் தயாராகவில்லை என்று தான் சொல்வேன். ஒரு குருட்டு நம்பிக்கையில் இயக்கியது தான் இந்தப் படம் என்றார். மேலும்,அடுத்த திரைப்படத்தை இயக்க, அவசரப்படவில்லை என்றும் ப.பாண்டி திரைப்படத்தின் இரண்டாம் பாகத்தை எடுக்கவும் எனக்கு திட்டமிருக்கிறது என்றும் தனுஷ் கூறியுள்ளார்.