June 29, 2021 
தண்டோரா குழு
நெல்சன் திலீப் குமார் இயக்கத்தில் சிவகார்த்திகேயன் நடித்திருக்கும் டாக்டர் நேரடியாக ஓடிடியில் வெளியாகிறது.
கொலமாவு கோகிலா படத்தின் வெற்றியை தொடர்ந்து நெல்சன் குமார் இயக்கத்தில் சிவகார்த்திகேயன் நடிப்பில் உருவான படன் டாக்டர். ப்ரியங்கா அருள் மோகன், வினய் ராய் ஆகியோரும் நடித்துள்ளனர். அனிருத் இசையமைக்க, விஜய் கார்த்திக் கண்ணன் ஒளிப்பதிவு செய்துள்ளார். சிவகார்த்திகேயன் புரொடக்ஷன்ஸ், கேஜேஆர் ஸ்டுடியோஸ் இணைந்து படத்தை தயாரித்துள்ளது.
திரையிரங்கில் வெளியாகும் எதிர்பார்க்கப்பட்ட இப்படம் கொரோனா இரண்டாம் அலையால் தள்ளிப்போனது. இந்நிலையில், டிஸ்னி + ஹாட் ஸ்டார் டாக்டர் படத்தை நேரடியாக தங்கள் தளத்தில் வெளியிடுகிறது. தமிழ், தெலுங்கு, மலையாளம், கன்னடம் ஆகிய நான்கு மொழிகளில் படத்தை வெளியிடுவதாக இன்று அதிகாரப்பூர்வமாக அறிவித்துள்ளனர்.
இப்படத்தின் தொலைக்காட்சி ஒளிபரப்பு உரிமையை சன் தொலைக்காட்சி ஏற்கனவே வாங்கியிருந்தது குறிப்பிடத்தக்கது.
For English News
