November 2, 2019 
தண்டோரா குழு
பிகில் படத்தை தொடர்ந்து விஜய் அடுத்ததாக இயக்குநர் லோகேஷ் கனகராஜ் இயக்கத்தில் நடித்து வருகிறார். கேங்ஸ்டர் படமாக இப்படம் உருவாகி வருகிறது. இந்த நிலையில், இப்படத்தின் முதல்கட்ட படப்பிடிப்பு வடசென்னை பகுதியில் நடந்தது. அப்போது, விஜய்யின் ஷூட்டிங்ஸ்பாட் புகைப்படம் சமூக வலைதளங்களில் வெளியானது. இதையடுத்து, 2 ஆம் கட்ட படப்பிடிப்புக்காக படக்குழுவினர் டெல்லி சென்றுள்ளனர்.
விமானத்தில் இருந்து இறங்கி விமான நிலையத்திற்குள் செல்லும் விஜய்யின் புகைப்படம் வெளியாகி வருகிறது. நேற்று மாலை டெல்லியிலுள்ள எஸ்.ஆர்.சி.சி. கல்லூரியில் படப்பிடிப்பு தொடங்கியுள்ளது. படப்பிடிப்பு தளபத்திற்கு விஜய் நடந்து செல்லும் புகைப்படம் வெளிவந்துள்ளது. டெல்லியில் 40 நாட்கள் நடக்கும் படப்பிடிப்பில் விஜய் மற்றும் விஜய் சேதுபதியின் சண்டைக்காட்சிகள் படமாக்கப்பட இருக்கிறது.
For English News
