March 22, 2019 
தண்டோரா குழு
தமிழ் சினிமாவில் முன்னணி நட்சத்திரங்களில் ஒருவராக இருப்பவர் நடிகை த்ரிஷா. 15 வருடங்களுக்கு மேலாக தமிழ் சினிமாவில் முன்னணி கதாநாயகியாகவும் இருந்து வருகிறார். விஜய் அஜித் கமல் விக்ரம் என முன்னணி ஹீரோக்களுடன் நடித்துள்ளார்.
சமீபத்தில் விஜய் சேதுபதியோடு இவர் நடிப்பில் உருவான 96 திரைப்படம் விமர்சன ரீதியாகவும் பொருளாதார ரீதியாகவும் நல்ல வரவேற்பை பெற்றது.இந்த படம் பல விருதுகளையும் குவித்து வருகிறது. தெலுங்கிலும் இப்படம் ரீமேக் செய்யும் முயற்சிகள் நடைபெற்று வருகிறது. இந்த படத்தில் த்ரிஷாவின் இயல்பான நடிப்பு அனைவராலும் பேசப்பட்டது. இதனைத் தொடர்ந்து அவர் திரைப்படங்களில் கவனம் செலுத்தி வருகிறார்.
இதற்கிடையில், த்ரிஷாவுடைய திருமணம் குறித்து அவ்வப்போது கிசுகிசுக்கள் ஏற்படுவது வழக்கம் தான். இந்நிலையில், சமீபத்தில் நடந்த நிகழ்வு ஒன்றில் தனது திருமணம் குறித்து த்ரிஷா பேசியுள்ளார். அதில், ‘இப்போதைக்கு நான் யாரையும் காதலிக்கவில்லை. ஆனால், எனக்கான சரியான ஒருவரை நான் சந்தித்து விட்டால் உடனே திருமணம் செய்துகொள்ள தயாராக இருக்கிறேன்’ என தெரிவித்துள்ளார்.
For English News
