February 23, 2022 
தண்டோரா குழு
கோவை மாநகராட்சியில் தேர்வு செய்யப்பட்டுள்ள 100 கவுன்சிலர்களில் 7 பேர் மட்டுமே பழைய கவுன்சிலர்கள். மீதமுள்ள 93 பேர் புதுமுக கவுன்சிலர்கள் ஆவர்.
கோவை மாநகராட்சி 100 வார்டுகளுக்கான தேர்தல் முடிவு நேற்று அதிகாரப்பூர்வமாக அறிவிக்கப்பட்டது. இந்த 100 வார்டுகளில், 12-வது வார்டு ராமமூர்த்தி (மார்க்சிஸ்ட் கம்யூ.,), 44-வது வார்டு காயத்ரி (காங்கிரஸ்), 46-வது வார்டு மீனா லோகு (திமுக), 47-வது வார்டு பிரபாகரன் (அதிமுக), 52-வது வார்டு இலக்குமி இளஞ்செல்வி (திமுக), 56-வது வார்டு கிருஷ்ணமூர்த்தி (காங்கிரஸ்), 72-வது வார்டு கார்த்திக் செல்வராஜ் (திமுக) ஆகிய 7 பேர் மட்டுமே பழைய முகங்கள்.
இவர்கள், ஏற்கனவே கோவை மாநகராட்சியில் கவுன்சிலர்களாக இருந்து அனுபவம் பெற்றவர்கள். மாமன்ற கூட்டத்தின்போது. காரசார விவாதத்தில் பங்கெடுத்து பேசியவர்கள். மீதமுள்ள 93 கவுன்சிலர்கள் புதுமுகங்கள் ஆவர்.
மேலும், மொத்தமுள்ள 100 கவுன்சிலர்களில், 55 பேர் பெண் கவுன்சிலர்கள். இவர்களில், மீனா லோகு, இலக்குமி இளஞ்செல்வி, காயத்ரி ஆகிய மூன்று பேர் பழைய முகங்கள் ஆவர்.
மாநகராட்சி விக்டோரியா ஹாலில் மிக விரைவில் நடைபெற உள்ள மாமன்ற கூட்டத்தின்போது, புதுமுக கவுன்சிலர்கள், கன்னிப்பேச்சு, பேசுவதற்கு தயார் நிலையில் உள்ளனர்.கோவை மாநகராட்சி தேர்லையொட்டி, கடந்த ஜனவரி மாதம் 25ம்தேதி தேர்தல் நடத்தை விதிகள் அமலுக்கு வந்தன. தற்போது, 100 வார்டுகளுக்கும் தேர்தல் முடிவு அதிகாரப்பூர்வமாக அறிவிக்கப்பட்டு விட்டதால், இன்று முதல் தேர்தல் விதி விலக்கிக்கொள்ளப்பட்டது.இதற்கான உத்தரவை தமிழ்நாடு அரசின், மாநில தேர்தல் ஆணையம் பிறப்பித்தது.
பிஎஸ்ஜிஆர் கிருஷ்ணம்மாள் மகளிர் கல்லூரியில் ‘EVANZA 2026’ கோலாகலம் – 150-க்கும் மேற்பட்ட ஆடைகள் காட்சிப்படுத்தல் !
PSG செவிலியர் கல்லூரியில் நடைபெற்ற தடயவியல் செவிலியர் தேசிய மாநாடு (FNC 2026)
கோவையில் பணியாற்றும் சூயஸ் ஊழியர்களுக்கு முதலுதவி பயிற்சி
கேரளாவில் 29 கோவில்களில் ஈஷா மஹாசிவராத்திரி விழா நேரலை; ஏற்பாடுகள் தீவிரம்
காப்பீட்டின் ஒவ்வொரு கட்டத்திலும் வாடிக்கையாளர்களை ஆதரிப்பதற்கு பாலிசி பஜார் முன்னுரிமை அளிக்கிறது – டேவிட் ஆஸ்கார்
PSG பாலிடெக்னிக் கல்லூரி கடற்படை பிரிவு NCC மாணவர்களுக்கு பாராட்டு விழா
For English News
