February 18, 2022 
தண்டோரா குழு
கோவை ஆட்சியர் அலுவலகத்தில் போராட்டத்தில் ஈடுபட்ட அதிமுக முன்னாள் அமைச்சர் எஸ்.பி வேலுமணி உள்பட 9 பேர் கைது செய்யப்பட்டுள்ளனர்.
தமிழகத்தில் நகர்ப்புற உள்ளாட்சி தேர்தல் நாளை நடைபெற உள்ளது.இந்நிலையில், இன்று காலை கோவை மாவட்ட ஆட்சியர் அலுவலக வாசலில் அமர்ந்து அதிமுக சட்டமன்ற உறுப்பினர்கள் எஸ்.பி.வேலுமணி தலைமையில் தர்ணா போராட்டத்தில் ஈடுபட்டனர்.அப்போது கரூரில் இருந்து வந்திருக்கக்கூடிய திமுகவினரை மாவட்டத்தில் இருந்து வெளியேற்ற வேண்டும், துணை இரணுவம் வரவழைக்கப்பட வேண்டும் என வலியுறுத்தினர்.
இதையடுத்து,அவர்களுடன் போலீசார் பேச்சுவார்த்தை நடத்தினர்.அப்போது
தரையில் படுத்து கொண்டு ஆர்ப்பாட்டத்தை கைவிட மறுத்து அதிமுக எம்.எல்.ஏ-க்கள் தர்ணா போராட்டத்தில் ஈடுபட்டனர். இதனால்
போலீசார் மற்றும் அதிமுக எம்.எல்.ஏ.-க்கள் இடையே தள்ளுமுள்ளு ஏற்பட்டது.
3 மணி நேரமாக போராட்டத்தை கைவிட மறுத்ததால் போலீசார்அதிமுக முன்னாள் அமைச்சர் எஸ்.பி வேலுமணி உள்பட 9 பேரை கைது செய்தனர்.
For English News
