December 15, 2021 
தண்டோரா குழு
கோவை பயனீர் மில் ரோடு பகுதியில் உள்ள மாநகராட்சி மேல்நிலைப்பள்ளியில் கழிப்பறை கட்ட கோரி மாநகராட்சி அலுவலகத்தில் பீளமேடு பகுதி மதிமுக செயலாளர் வெள்ளியங்கிரி மனு அளித்துள்ளார்.
அதில் கூறியிருப்பதாவது:
இந்த மாநகராட்சி மேல்பள்ளியில் 500க்கும் மேற்பட்ட மாணவ-மாணவிகள் பயின்று வருகின்றனர். இப்பள்ளியில் கழிப்பறை வசதியில்லை. இதனால் மாணவ- மாணவிகள் பெரும் அவதிக்குள்ளாகி வருகின்றனர். அருகில் உள்ள பகுதிகளுக்கு சென்று உடல் உபாதைகளை கழிக்க வேண்டியுள்ளது.
உடனடியாக மாநகராட்சி கமிஷனர் ஆய்வு மேற்கொண்டு இப்பள்ளியில் கழிப்பறை கட்ட நடவடிக்கை மேற்கொள்ள வேண்டும். இவ்வாறு அதில் கூறப்பட்டுள்ளது.
For English News
