November 11, 2021 
தண்டோரா குழு
கோயம்புத்தூர் இன்னர் வீல் சார்பாக கோவை செல்வபுரம் ஆரம்ப சுகாதார நிலையத்தில் வெளி நோயாளிகள் பிரத்யேக கட்டிடம் அர்ப்பணிக்கப்பட்டது.
கோயம்புத்தூர் இன்னர் வீல் கிளப் சார்பாக பெண்குழந்தைகள் மற் றும் மகளிர் மேம்பாடுகளுக்கான பல்வேறு திட்டங்கள் தொடர்ந்து செயல்முறை படுத்தப்பட்டு வருகின்றது.குறிப்பாக ஆதரவற்றோர் இல்லத்தில் வசிக்கும் பெண்களுக்கு சானிட்டரி நாப்கின்கள் வழங்குவது, புறநகர் மற்றும் நகர்புற பகுதிகளில் தாய்ப்பாலின் அவசியம் குறித்த விழிப்புணர்வை ஏற்படுத்துவது, சுற்றுச்சூழல் பாதுகாப்பு,மரங்கள் நடுவது, பசிப்பிணி போக்கும் முழுநேர அன்னதான திட்டம் என பல்வேறு சமுதாயம் நலம் சார்ந்த பணிகளை மேற்கொண்டு வருகின்றனர்.
இந்நிலையில் கோயம்புத்தூர் இன்னர் வீல் கிளப்பின் 46 வது ஆண்டு விழாவின் நலத்திட்ட பணிகளின் ஒரு பகுதியாக,கோவை செல்வபுரம் ஆரம்ப சுகாதார நிலையத்தில் சுமார் நான்கு இலட்சம் மதிப்பீட்டில், வெளிநோயாளிகள் பிரிவினருக்கான தனி கட்டிடம் மற்றும் கழிவறைகள் கட்டி அர்ப்பணிக்கப்பட்டது.
இதற்கான விழாவில் புதிய கட்டிடத்தை இன்னர் வீல் கிளப்பின் தலைவர் அலமேலு சிவராமகிருஷ்ணன் ரிப்பன் வெட்டி திறந்து வைத்தார். கோயம்புத்தூர் இன்னர் வீல் கிளப், தலைவர் தீபா வெங்கட்ராமன் தலைமையில் நடைபெற்ற இதற்கான விழாவில்,முன்னால் தலைவர் கீதா பத்மநாபன், மாவட்ட தலைவர் அனிதா ஸ்ரீனிவாஸ்,மற்றும் கிளப் நிர்வாகிகள், புவனா சதீஷ்,பினால் ஷா,ராதிகா பரமேஷ்,ஜெயலட்சுமி ரமேஷ் உட்பட உறுப்பினர்கள் பலர் கலந்து கொண்டனர்.
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
கோவையில் நடைபெற்ற மருத்துவர்களுக்கான மாநில அளவிலான கருத்தரங்கு
சுதந்திர தினவிழாவில் சிறந்த இந்திய குடிமகன் எனும் விருதுகள் வழங்கி கௌரவித்த பாரதமாதா அறக்கட்டளை
கோவையை சேர்ந்த எழுத்தாளர் உருவாக்கிய இந்தியாவின் முதல் ‘மிரர் எடிஷன்’ புத்தகம்
ஈஷா மண் காப்போம் மற்றும் எஸ்.ஆர்.எம் பல்கலைக்கழகம் சார்பில் ‘அக்ரி ஸ்டார்ட் அப் திருவிழா 2.O’
PSGR கிருஷ்ணம்மாள் மகளிர் கல்லூரியில் நடைபெற்ற பட்டமளிப்பு விழாவில் 2540 மாணவிகள் பட்டம் பெற்றனர்
For English News
