September 2, 2021 
தண்டோரா குழு
அஜித்தின் வலிமை படத்தின் படப்பிடிப்பு நிறைவு !
இயக்குநர் எச்.வினோத் இயக்கத்தில், நடிகர் அஜித் நடிப்பில் உருவாகி வரும் படம் ‘வலிமை’. போனி கபூர் தயாரிக்கும் இப்படத்திற்கு யுவன் ஷங்கர் ராஜா இசையமைத்து வருகிறார்.
படத்தின் பணிகள் கடந்த 2019ஆம் ஆண்டே தொடங்கிய நிலையில், கொரோனா பரவல் காரணமாகப் பாதியில் தடைப்பட்டன. தற்போது மீண்டும் படப்பிடிப்பு நடந்து வருகிறது.
இதற்கிடையில், வலிமை படம் குறித்த அப்டேட் கேட்டு அஜித் ரசிகர்கள் சமூக வலைத்தளங்களில் ட்ரெண்ட் செய்து வந்தனர்.
இந்நிலையில், ரஷ்யாவில் நடந்த சண்டை காட்சியுடன் வலிமை படத்தின் படப்பிடிப்பு நிறைவு பெற்றதாக படக்குழு அறிவித்துள்ளது. விரைவில் படத்தின் ரிலீஸ் தேதி வெளியாகும் என எதிர்பார்க்கப்படுகிறது.
For English News
