February 11, 2021 
தண்டோரா குழு
சிவகார்த்திகேயன் நடிப்பில் அறிமுக இயக்குனர் சிபி சக்ரவர்த்தி இயக்கும் படம் டான். இவர் இயக்குனர் அட்லீயிடம் உதவி இயக்குனராக பணியாற்றியவர். இப்படத்தை லைகா நிறுவனமும், சிவகார்த்திகேயனின் எஸ்.கே.புரொடக்ஷன்ஸ் நிறுவனமும் இணைந்து தயாரிக்கிறது. அனிருத் இப்படத்திற்கு இசையமைக்க உள்ளார்.
இப்படத்தில் சிவகார்த்திகேயனுக்கு ஜோடியாக பிரியங்கா மோகன் நடிக்க உள்ளார். மேலும், இப்படத்தில் முக்கிய கதாபாத்திரத்தில் சூரி, எஸ்.ஜே.சூர்யா, சமுத்திரக்கனி, சிவாங்கி, ஆர்ஜே விஜய், பால சரவணன், காளி வெங்கட் ஆகியோர் நடிக்க ஒப்பந்தமாகி உள்ளனர்.
இந்நிலையில், இப்படத்தின் படப்பிடிப்பு கோயம்புத்தூரில் இன்று பூஜையுடன் தொடங்கி உள்ளது. கல்லூரி பின்னணியில் இப்படத்தின் கதை அமைந்துள்ளதால், இப்படத்தின் பெரும்பாலான படப்பிடிப்பை கல்லூரியில் நடத்த உள்ளனர்.
For English News
